Президенттин карамагындагы мамлекеттик органдардын штаттык саны 30 пайызга чейин кыскартылат

Президент Садыр Жапаров "Мамлекеттик аппараттын санын кыскартуу жөнүндө" жарлыкка кол койду. Бул тууралуу президенттик администрациянын басма сөз кызматынан билдиришти.

"Аткаруу бийлигинин мамлекеттик органдарынын түзүмүн жана башкарууну оптималдаштыруу, кайталанган жана ашыкча функцияларды жоюу, бюджеттик каражаттарды үнөмдөөнү камсыз кылуу максатында Конституциянын 71-беренесин жетекчиликке алып, токтом кылынат:

Президентин администрациясынын, министрликтеринин, мамлекеттик комитеттеринин, административдик ведомстволорунун, аткаруу бийлигинин башка мамлекеттик органдарынын, жергиликтүү мамлекеттик администрациялардын, президентинин карамагындагы мамлекеттик органдардын штаттык саны 30 пайызга чейин кыскартылсын.

Сунушталсын:

— Жогорку Кеңештин аппаратынын, Жогорку Кеңештин иш башкармалыгынын кызматкерлеринин санын 30 пайызга чейин кыскартуу боюнча ишти жүргүзүү;

— Жогорку соттун, конституциялык соттун, жергиликтүү соттордун органдарынын түзүмүн оптималдаштырууну жүргүзүү жана алардын штаттык санын 30 пайызга чейин кыскартуу;

— Жергиликтүү өз алдынча башкаруу органдарына жергиликтүү бюджеттердин каражаттарынын эсебинен күтүлгөн бюджеттик мекемелерде жана уюмдарда инвентаризациялоону жүргүзүү жана кызматкерлердин санын 30 пайызга чейин кыскартуу.

Кыргыз өлкөсүнүн министрлер кабинети:

— Кыскартылган кызматкерлерге Кыргыз өлкөсүнүн мыйзамдарына ылайык бошонуу жөлөк пулун төлөп берүүнү камсыз кылсын;

— Бошотулуучу кызматкерлерди ишкердик иштин негиздерине окутуу боюнча зарыл чараларды көрсүн", - деп жазылат маалыматта.

Жарлык расмий жарыяланган күндөн баштап күчүнө кирет.

Автор: Ырыскелди Салбаров

11:58 29-06-2021

Жазылуу

РУБРИКАДАГЫ СОҢКУ КАБАРЛАР

23:49 2025-07-17 | Коом жана турмуш

18-июлга карата аба ырайы 84 0

22:49 2025-07-17 | Түркүн дүйнө

Франция айыл жергесиндеги үйлөрдү 1 еврого сатып алууну сунуштоодо 455 0

22:28 2025-07-17 | Коом жана турмуш

Эсептөө палатасы «Манас» аэропортунан 794 миллион сомго жеткен мыйзам бузууларды аныктады 398 0

22:14 2025-07-17 | Спорт

U-23: Кыргызстан курамасы Сириянын командасынан утулуп калды 491 0

22:07 2025-07-17 | Түркүн дүйнө

АКШда жаран кассадан баасы 3 миллион долларлык тыйын таап алды 674 0

21:48 2025-07-17 | Спорт

Эсеп 1:1. Арсен Шаршенбеков эсеп санын теңеди (видео) 477 0

Архив

Комментарийлер (7)

Shabi

2021-06-29 12:11:13

Эн туура,депутаттарды дагы 30пайызга кыскартып алсак.санына эмес,сапатына карасак,

Real98

2021-06-29 15:45:04

Shabi,50%эле кыскартыш керек.

Nursul

2021-06-29 12:14:05

Баарынан да депутаттардын санын кыскартса жакшы болмок ошолорго эле мамлекеттен канча акча королуп жатат айлыгы минген машинеси болуп отуруп бир топ акча кетет иштем мамлекет үчүн жанымды берем дегендерден 30у болсо деле болмок. Саны бар сапаты жок болуп жөн эле отургандар көп айгырдын богундай болушуп.

Medina87

2021-06-29 12:16:24

Туура чечим,Элден жыйналган налогдордун эсеби ушинтип экономдолсо Элге да женил.

Kurmanbek_81

2021-06-29 13:44:12

Жаңы кабыл алынган конституция боюнча 90 депутат болду го.

Kurmanbek_81

2021-06-29 13:46:05

Мамлекеттик органдардагы штатты кыскартуунун эсебинен мамлекеттик кызматкерлердин эмгек акысын көтөрүү керек,мыкты адис кызматкерлер азыркы айлыка иштебейт, пенсиясы бар, кошумча дарамети бар гана кызматкерлер иштеп жатат.

nurik73

2021-06-29 20:18:27

кыскартуу туура бирок байгы эле ылдыйраак кызматчыларды кыскартып койот карапайым. Жогорку кызматтагылар кыскарбайт коросунор. наборот тигилердин эсебинен айлыктарын которуп алышат

Комментарий калтыруу үчүн өз ысымыңыз менен кириңиз же каттоодон өтүңүз.