Ысык-Көлдө көп кабаттуу үйдөн өрт чыгып, батирдин балкону толук күйүп кетти

Ысык-Көл районунун Чолпон-Ата шаарында көп кабаттуу үйдөгү батирден өрт чыкты. Өрт бүгүн, 29-июнда катталганын ӨКМнын басма сөз кызматынан кабарлашты.

Белгилүү болгондой, куткаруучулар кызматына көп кабаттуу үйдөн өрт чыккандыгы тууралуу маалымат түшкөн. Өрттү өчүрүүгө бир бөлүм тартылып, саат 11:45те чектөөгө алынып, саат 12:27де толугу менен өчүрүлгөн.

Кырсыктын кесепетинен көп кабаттуу үйдүн 20 чарчы метр чатыры жана батирдин балкону толугу менен күйдү. Өрттүн келип чыгуу себеби такталып жатканын билдиришти мекемеден.

Автор: Бактыгүл Момбекова
Фото: ӨКМнын басма сөз кызматы