Кара-Суу дарыясынын жээгиндеги камыштардын арасынан 85 жаштагы кишинин жансыз денеси табылды

Жалал-Абадда Кара-Суу дарыясынын жээгинен эркек кишинин жансыз денеси табылды. Бул туурасында ӨКМнын маалымат кызматынан билдиришти.

"Кара-Көл шаарынын жашоочусу 1936-жылы туулган А.К. аттуу жаран 8-июль күнү үйүнөн чыгып кеткен бойдон кайтып келген эмес. Ал Кара-Суу дарыясына агып кетти деген күмөн менен туугандары куткаруучуларга арыз менен кайрылган.

Издөө иш-чараларын жүргүзүү үчүн 10 куткаруучу тартылып, Кара-Суу дарыясынын жээгиндеги камыштардын арасынан эркек кишинин жансыз денесин табышкан. Маркумдун сөөгү милиция кызматкерлерине өткөрүлдү", - деп жазылат маалыматта.

Автор: Ырыскелди Салбаров