Боом капчыгайындагы жол кырсыгы. Сотко чейинки өндүрүш иши башталды

Боом капчыгайында лагерден балдарды ташып келе жаткан автобустардын катышуусундагы жол кырсыгы Кылмыштардын жана жоруктардын бирдиктүү реестрине катталды.

Чүй ОИИББинин басма сөз кызматынан билдиришкендей, Кылмыш-жаза кодексинин 155-беренеси ("жол кыймылынын коопсуздугун жана автотранспорт каражаттарын эксплуатациялоо") боюнча сотко чейинки өндүрүш иштери башталды.

11-июль күнү Бишкек-Торугарт унаа жолунда Ысык-Көлдөн Бишкекке лагерден балдарды алып келе жаткан автобус кырсыкка кабылганы маалымдалган. Жол кырсыгынан 6 адам жабыркап, алардын бешөө окуучу болгон.

Министрлер кабинетинин төрагасынын орун басары Жылдыз Бакашова тийиштүү мамлекеттик органдарга жол кырсыгынын себептери жана кырсыкка күнөөлүүлөрдү аныктоо үчүн зарыл чараларды көрүүнү тапшырган.