Аксыдагы сел ташкынынан каза болгондордун аты-жөнү, жашы такталды

12-июлда Аксы районунун Жаңы-Жол, Ак-Жол айыл аймактарында сел жүрүп, 8 адамды агызып кеткен. Анын алтоосу табылып, 3 жашар наристе менен 5 жашар бала дайынсыз болууда.

Өзгөчө кырдаалдар министрлигинин маалымат кызматынан сел ташкынынын курмандыгы болгондордун жана дайынсыз болуп жаткан балдардын аты-жөнүн жарыялады. Алар:

1958-жылы туулган Б.Ж.К.;

1981-жылы туулган Ш.Б.Т.;

2009-жылы туулган Ш.А.А.;

2014-жылы туулган Ш.А.А.;

2005-жылы туулган Т.П.Н.;

2009-жылы туулган О.Н.О.;

Ал эми 2018-жылы туулган Т.Ф.Н. жана 2016-жылы туулган К.А. дайынсыз болууда.

Эске салсак, кечээ, 12-июлда Аксы районунун Жаңы-Жол, Ак-Жол айыл аймактарында сел жүрүп, ӨКМнын берген маалыматы боюнча, 7 адам каза болуп, алардын алтоосунун сөөгү табылгандыгын билдирген. Ал эми SUPER.KG порталына жергиликтүү тургун 9 адамдын каза болгондугун айтып берген.

Бүгүн, 13-июлда ӨКМнын маалымат кызматынан жалпы 8 адамды сел агызып кеткенин, анын ичинен 6 адам табылганын билдиришти.

Президент Садыр Жапаров министрлер кабинетине Жалал-Абад облусундагы Аксы районундагы селдин кесепетин кыска убакыт аралыгында жоюу боюнча тапшырма берип, каза болгондордун жакындарына көңүл айтты.