"Куралдуу чыр-чатактар аймагынан келген". УКМК эл аралык террордук уюмдун мүчөсүнүн ишине бөгөт койду

Эл аралык терррордук уюмдун активдүү мүчөсүнүн ишине УКМК тарабынан бөгөт коюлду. Ал чет өлкөлүк жаран экенин УКМКнын маалымат кызматынан кабарлашты.

Мекеменин маалыматына ылайык, 9-июлда террорчулукка каршы иш-чаралардын жүрүшүндө диверсиялык аракеттерди уюштурууну пландаштырып жаткан М.А. аттуу жарандын ишмердүүлүгүнө бөгөт коюлду.

"Аталган жаран "Жамаат Таухид ва Жихад" эл аралык террордук уюмунун жигердүү мүчөсү болгон жана ал куралдуу чыр-чатактар аймагынан Кыргыз өлкөсүнө келип, жарандарды өзүнө тартып, ишмердүүлүгүн жүргүзүп жаткандыгы аныкталды", - деди маалымат катчы.

Учурда эл аралык террорчулуктун мүчөлөрүн жана колдоочуларын аныктоо жана аларга бөгөт коюу иш-чараларын улантууда.

Автор: Бактыгүл Момбекова