Чемпиондор Лигасы: "Кайрат" - "Маккаби" (2:0). Гүлжигит Алыкуловдун алмашууда отурганы көпчүлүк кыргыз футбол сүйүүчүлөрүн нааразы кылды

Бүгүн, 14-июлда Чемпиондор Лигасынын квалификациялык турниринде "Кайрат" футболдук клубу өз үйүндө израилдик "Маккаби" клубун кабыл алып, 2:0 эсебинде жеңип, кийинки тандоо туруна өттү.

Бул оюнга белгилүү кыргыз футболчусу Гүлжигит Алыкулов экинчи бөлүктө алмашууга чыкты. Көпчүлүк Кыргыз өлкөсүнүн футбол сүйүүчүлөрү буга нааразы болушууда. Алар Гүлжигит Алыкуловго башка футболдук клуб караштыра беришин жазып калтырышты.

"Гүлжигит, агентиңе айтып башка клуб изде. Сага мындай алмашууда отурган жарашпайт. Жаңы машыктыруучунун башка планы бар окшойт. Биз бардыгыбыз сенин күчтүү командаларга каршы кандай ойнооруңду билебиз";

Алыкуловго эмне себептен мүмкүнчүлүк бербей жатат?;

Гүлжигит башка клуб караштыр, болбойт мындай;

Гүлжигит Алыкулов сенин талантың алмашууда отуруш эмес;

"Биз деле Гүлжигитти качан чыгарат деп күтүп калдык", - деп жазып калтырышууда интернет колдонуучулары.

Гүлжигит Алыкулов "Кайрат" клубуна 2020-жылдын январь айында өткөн.

Автор: Азат Бейшенбеков