Токио жайкы Олимпиада оюндарында спортчулардын парады өтпөй калышы мүмкүн

Токиодогу жайкы Олимпиада оюндарынын уюштуруучулары ачылыш аземдеги салтка айланган спортчулардын парадынан баш тартышат. Бул тууралуу Беларусь улуттук Олимпиада комитети жазып чыкты.

Мындай чечим 15-июлда эл аралык Олимпиада комитетинин президенти Томас Бахтын катышуусундагы өкүлчүлүктөрдүн башчыларынын жолугушуусунда кабыл алынгандыгы жазылган. Бирок расмий билдирүү азырынча таратыла элек.

Белгилей кетсек, Олимпиада оюндары 2021-жылдын 23-июлунан 8-августка чейин Япониянын Токио шаарында өтөт.

Буга чейин Токиодогу жайкы Олимпиада оюндарына кийип бара турган Кыргыз өлкөсүнүн курама командасынын параддык формасы талкууга алынган.

Автор: Айзада Кыдырмышева