"Коңшу тараптын кайрылуусу менен". Жалал-Абадда сууга агып кеткен 7 жаштагы өзбекстандык бала изделүүдө

Жалал-Абад облсунун Ала-Бука районунда сууга агып кеткен 7 жашар баланы издөө иштери жүргүзүлүүдө. ӨКМнын басма сөз кызматынан изделип жаткан бала өзбекстандык экенин кабарлайт.

"13-июль күнү Өзбекстандын Наманган облусунда Касан-Сай дарыясына 2014-жылы туулган бала чөгүп кеткен. Коңшу өлкөнүн куткаруучулары издөө иш-чараларын жүргүзүшүп, натыйжа болгон эмес.

Касан-Сай дарыясы Биринчи Май айыл аймагынын Жаңы-Шаар жана Айры-Там айылдарын аралап өткөн Чүст каналына куйгандыгына байланыштуу Өзбекстандын Өзгөчө кырдаалдар министрлигинин Наманган облустук башкармалыгынын башчысы Кыргыз өлкөсүнө издеп берүү каты менен кайрылган.

15-июль күнү жерине издөө иш-чараларын жүргүзүү үчүн 5 куткаруучу тартылып, издөө иш-чаралары жүргүзүлдү. Издөө иштери улантылууда", - дешет мекемеден.

Автор: Бактыгүл Момбекова
Фото: ӨКМнын басма сөз кызматы