Супер-Инфо
super.kg видео
"Жумуштан бошойсуң деп коркутат". Өлкөдө коронавируска каршы эмдөө алгылары келбеген жарандарга коркутуулар болуп жатканы айтылды
115 кыска номуруна көпчүлүк жарандар эмдөө албаса жетекчилери жумушунан кетире турганын айтып, коркутуп жаткандыгын билдирип, кайрылгандар көп болууда. Бул тууралуу Акыйкатчы институту кабарлады.
"115 шашылыш байланыш" кызматына келген көптөгөн кайрылууларды жана телефон чалууларды эске алып, Акыйкатчы институту бардык мамлекеттик жана муниципалдык мекемелердин жетекчилерин мажбурлоо же коркутуу жолу менен ваксинация жүргүзүүдөн алыс болууга чакырат. Ошондой эле мындай мажбурлоо фактылары аныкталган учурларда мыйзамда каралган жоопкерчиликке тартыларын эскертет. Ошол эле учурда эмдөө алуу - бул адамдардын ден соолугунун коопсуздугу үчүн бүткүл дүйнө мамлекеттеринин бирдиктүү саясаты, максаты, бүтүндөй калктын ден соолугуна кам көрүү экендигин эске алуубуз зарыл", - деп жазылат билдирүүдө.
"Эгерде бул процесс жарандарга карата коркутуу же мажбурлоо мүнөзүндө болуп жатса, анда укук коргоо органдары ага катышкан адамдардын иш-аракетине баа бериши кажет. Мажбурлоого, коркутууга кабылган жаран тиешелүү мамлекеттик органдарга расмий түрдө кайрылуулары туура. Эмдөөлөр адамдын өз ыктыяры менен жасаларын белгилөө менен биргеликте, эгерде укук коргоо органдары тийиштүү чара көрбөгөн учурларда Акыйкатчы институтуна арыз менен кайрылууга укуктары бар экендигин билдирет", - деп кошумчалашты Акыйкатчы институтунан.
Кыргыз жергесинде эмдөө кампаниясы 29-мартта башталган. Учурда эмдөөгө Sinopharm жана Спутник V вакциналары колдонулуп жатат.
-2
АстраЗенеция дегенди албагыла, опасно ал. Орустардыкын алгыла
Вакцина милдеттуу эмес, дуйнодо да, Кыргызстанда да андай буйрук жок, сабатсыз! Бирок жен ичинен тапшырмалар берилип мам.кызматкерлерди мажбурлап жатканы калппы эмне?
Дуйнодо 5-15% инфляция болуп жатса бизде инфляция 50-70%. Инфляция бул баалар осуп карапайым эл дагы да жакырданып жатат дегени. Камчы менен Садырын элге нан сатып берип жатабы же? Же бааларды жонго сала албаса же пенсия, пособие, айлыкты которо албаса. Кетсин экоо тен!!!!