Жогорку Кеңештин депутаты Шайлообек Атазов "Ала-Арча" резиденциясында депутаттар Садыр Жапаров менен жолугуп, мыйзам долбоорун талкуулай тургандыгын билдирди.
"Президент менен депутаттардын жолугушуусу болот. Шайлоо мыйзамдарын талкуулоо жүрөт. Эл өкүлдөрүнүн дагы ойлору бар.
Буга чейин канча шайлоо, көтөрүлүш болсо дагы шайлоодон кийин болуп жатат. Шайлоо мыйзамы чийки болуп калып, кайрадан окуялар кайталанбашы үчүн татыктуу мыйзам кабыл алынышы керек. Бүгүн элге өтүмдүү мыйзам кабыл алынат деген үмүтүм бар", - деп билдирди Атазов.
Буга чейин президент Садыр Жапаров Жогорку Кеңештин депутаттары менен жолугуша турганын билдирген.