Футбол: "Барселона" бир канча оюнчусун сатууну көздөөдө. Алар...

"Барселона" быйыл командадагы бир канча оюнчусу менен коштошушу мүмкүн. Бул тууралуу чет элдик спорт басылмалары жазып чыгышты.

Жакында эле команданын легендарлуу жылдызы Лионель Месси менен кайрадан келишимин жаңырткан каталондук клуб жайкы трансфердик сезондо бир канча оюнчусун сатууну көздөп жатат. Алардын ысымдары төмөндө...

Антуан Гризман

2 жыл мурун 120 миллион еврого Барселонанын катарына кошулган франциялык жылдыз ал сезондун эң кымбат 5 оюнчусунун катарына кирген эле. Ал эми бул жылы ал кайрадан мурунку клубу Атлетико Мадридке кайтышы мүмкүн экендиги айтылууда.

Филиппе Коутиньо

Ливерпулда жылдызы жанган бразилиялык футболчу Филиппе Коутиньо Барселонага кошулган 2018-жылдан бери испаниялык күйөрмандар күткөн оюнду көрсөтө албады. Ага футболчунун алган жаракаттары да себеп болгонун айтышат айрымдар. Ал ортодо Коутиньо германиялык Бавария клубуна да ижарага ойноп келгенин да кошумчалай кетсек болот. Бразилиялык оюнчунун каталондук клуб менен болгон келишими 2023-жылга чейин болсо да, Барселонанын сатыкка койгон оюнчуларынын катарында.

Усман Дембеле

Ошол эле алган жаракаттарынын айынан көп оюн өткөрө албай калган оюнчулардын бири Усман Дембеле. Клуб Франциялык футболчуну 2017-жылы 135 миллион еврого сатып алган.

Мартин Брейтуейт

Евро-2020да Дания курамасы менен оюн алпарган Брейтуейт үчүн да Барселонага бир канча клубдан сунуштар түшүп жатат. Белгилей кетсек, аталган футболчу 2020-жылдын февраль айында 17 миллион еврого келген.

Миралем Пьянич

Былтыркы сезондун башында Барселонадагы Артур Мелонун ордуна Ювентустан келген Пьянич бул жылы кайрадан туриндик Ювентуска кетиши күтүлүүдө.

Клеман Лангле

"Барселонаны" атмосферасына жакшы көнө албаган франциялык Клеман Ланглеге да англиялык клубдардан сунуш түшүп жатканы айтылууда.

Нето

2019-жылы испаниялык Валенсия клубунан 26 миллион еврого келген бразилиялык дарбазачы Нето Тер Штегендин көлөкөсүндө калып, такыр эле унутулуп бараткандай. Барселона 32 жаштагы голкипер үчүн да жаңы клуб издеп жатат.

Мусса Ваге

Көп убактысын ижарада ойноп өткөргөн 32 жаштагы сенегалдык футболчунун быйыл "Барселонадан" кетери аныкталып калгандай. Жаш футболчу үчүн Ла Лигадан жана Лига 1ден кызыкдар клубдар бар.

Автор: Жанбулат Жумабеков

14:12 25-07-2021

Жазылуу

РУБРИКАДАГЫ СОҢКУ КАБАРЛАР

18:52 2025-05-06 | Саясат

Садыр Жапаров "Ала-Арча" паркында эл менен жолукту (видео) 82 0

18:32 2025-05-06 | Коом жана турмуш

Бүгүн кечинде Бишкектин айрым көчөлөрү жабылат. Себеби 143 0

18:13 2025-05-06 | Коом жана турмуш

7-майда Жибек Жолу проспектинин жабылган бөлүгү ачылат 172 0

18:06 2025-05-06 | Кылмыштар, кырсыктар

Гүлчө дарыясына агып кеткен кыздын сөөгү табылды 399 0

17:25 2025-05-06 | Коом жана турмуш

Чүйдө мыйзамсыз соода-сатыкка каршы рейд жүрүүдө (видео) 279 0

16:58 2025-05-06 | Коом жана турмуш

"Бир күн менен жашабайлы". Жол тескөөчүлөр бекеттерде түшүндүрүү иштерин жүргүзүшүүдө 357 0

Архив

Комментарийлер (4)

Бектурган

2021-07-25 14:49:37

Буларга жөн эле акча ысыраф болду и все...

Dembele84

2021-07-25 15:03:07

Дембеле сынык эле болуп бутту,бир оюн откорот 3ай жатат больницада.Антуан таш оюнчу бирок Барсада иши журушпой кыйналды.Калганы точно пайдасы жок Барсага

samke_

2021-07-25 19:04:45

Клубтун экс президенти Жозеп Марио Бартомеу Барселонаны сазга батырып эле кетти. Трансфердик саясатты начар жүргүзүп, Барселонанын денгээлин Топ деңгээлден средняк денгээлге тушуруп койду.

Nursul

2021-07-26 11:47:02

Окуп отурсаң малдай эле элестетип алат экенсиң, мынчага сатып алган дегендери.

Комментарий калтыруу үчүн өз ысымыңыз менен кириңиз же каттоодон өтүңүз.