Врачтар 2 жашар баланын электр эт туурагычына кирип кеткен колун сактап калышты

Балдардын ооруканасына колу электр эт туурагычына кирип, чыкпай калган 2 жашар баланы алып барышкан эле. Врачтар жардамга «161» кызматынын куткаруучуларын чакырышкан. Бирок аларда керектүү аспап, шаймандары болбогондуктан, оорукананын врачтары өздөрү травматологияда колдонуучу шаймандары менен эт туурагычты сындырышкан. Колду чыгарар менен баланы операциялык бөлүмгө алып жөнөшкөн, анткени кандын көп кетишинен коркушкан. Жабыркаган колдогу кан тамырларды, тарамыштарды, нервдерди калыпка келтирүүгө 2 сааттан ашык убакыт кеткен. Эң башкысы, баланын колун сактап калышты. Хирургдардын сөзүнө караганда, алар колдун сынган сөөктөрүнө тийишкен эмес, сыягы, сөөктөрдү калыбына келтирүү үчүн дагы операция жасалат.

Медиктердин маалыматына караганда, Эмирхандын апасы электр эт туурагычына эт тартып жаткан. Бала анын жанында ойноп жүргөн. Апасы бир мүнөткө ашканага баш бага калганда, бала колун эт туурагычка салып жиберген. Баласынын чыңырганынан улам келген апа эт туурагычты өчүргөнү менен, уулунун колун чыгара албай койгон.

Автор: Канымжан Усупбекова

10:35 30-10-2013

Жазылуу

РУБРИКАДАГЫ СОҢКУ КАБАРЛАР

21:30 2025-05-03 | Коом жана турмуш

Жеңиш майрамына карата 8-9-май күндөрү борбордогу бир катар көчөлөр жабылат 386 0

20:24 2025-05-03 | Кылмыштар, кырсыктар

Ошто букмекердик иштерди мыйзамсыз жүргүзүүгө шектелгендер кармалды (видео) 707 0

18:42 2025-05-03 | Кылмыштар, кырсыктар

"Батирлерин сатып". Бишкекте ири алдамчылыкка шектелгендер кармалды 1117 0

17:27 2025-05-03 | Коом жана турмуш

"Генерал айтты да, аны аткарды". Өмүрбек Бабанов Ташиевге ыраазычылык билдирди (видео) 4323 1

17:03 2025-05-03 | Түркүн дүйнө

Зеленский Путин сунуштаган 3 күндүк ок атышпоо сунушуна макул эместигин билдирди 2105 0

16:12 2025-05-03 | Түркүн дүйнө

Орусияда мышык эки аялды балконго камап салган (видео) 2002 0

Архив

Комментарийлер (8)

muslimkg

2013-10-30 10:55:35

Ошол жаш баланын ордуна Мчстердин колу кирип кетпептир((шайманыда жок барабы

Shai

2013-10-30 11:08:33

muslimkg, МЧС эмес апасынын колу кирип кетпептир ошол эт тарткычка. Карабайбы баланы баланын убалына калатко.

belya

2013-10-30 10:59:15

Дарыгерлерге алкыш айтам!

KAREGLAZAYA_VOLCHICA

2013-10-30 11:02:54

Аз да болсо Кыргызстанда ушундай акчага сатылбаган дарыгерлердин бардыгы суйунтот. Ийгилик силерге. Аллах колдосун силерди.

Kumushtoi

2013-10-30 11:21:16

кудай сактаптыр тобооо

Asus84

2013-10-30 12:42:13

байкуш балакай жаны оорудуго

Bagirra

2013-10-30 21:07:51

Бул да айтылбас кырсык да, кайсыл эле эне өз баласын жабыркасын десин.
Эми апасынын жүрөгүндө чоң так калды да.
Азыр техника деген тир шумдуктар да көбөйбөдүбү, пайдасынан зыяны көп

tynara81

2013-10-31 11:55:31

Бир жагынан кырсык, бир жагынан шалаакылык да. Эт туурагычты иштеткен бойдон баланы калтырып кирип кетпеш керек эле. Айыгып кетсин эми, байкуш ай.

Комментарий калтыруу үчүн өз ысымыңыз менен кириңиз же каттоодон өтүңүз.