Бишкекте Бааль Каралина аттуу 17 жаштагы кыз изделүүдө. Ал жумуштан чыккан боюнча дайынсыз

Бишкектин Ленин району Бааль Каралина Александровна аттуу 17 жаштагы кызды издеп жатат. Бул тууралуу Ленин РИИБинин басма сөз кызматынан билдиришти.

Маалыматка ылайык, 27-июль күнү РИИБге шаар тургуну арыз менен кайрылып, 17 жаштагы кызы 17-июль күнү саат 00:00 чамасында Сыдыгалиев көчөсүндө иштеген жеринен чыккан боюнча дайынсыз болуп жатканын айткан.

Учурда кыздын жүргөн жери аныкталбагандыктан милиция кызматкерлери коомчулуктан жардам сурайт.

Өзгөчө белгилери: Бою 160-165 сантиметр, орто дене түзүлүштө, көзү көк, чачы сары узун. Курсагында операциядан калган так бар.

Кийген кийимдери: Көк кофта, көк түстөгү жынсы, кара түстөгү бут кийим кийип жүргөн.

Байланыш телефону: 0 (312) 352-605, 0 (312) 444- 457, 0 (312) 352-632, 0 (553) 102-880, 0 (773) 909-465, 0 (551) 088-330, 0 (701) 644-403, 0 (500) 032-000, 0 (755) 579-580 жана 102.

Автор: Айсалкын Качкынбекова