Чүйдө аялын өлтүрүүгө шектелип 64 жаштагы күйөөсү кармалды

Чүй облусунун Чүй айылында аялын өлтүрүүгө шектелип күйөөсү кармалды. Бул тууралуу Чүй облустук милициясынан кабарлады.

Билдирүүгө ылайык, 2021-жылдын 26-июль күнү болжол менен саат 23:30 чамаларында райондук милициянын нөөмөт бөлүмүнө Чүй айылындагы үйлөрдүн биринде аял кишинин жансыз денеси табылгандыгы тууралуу маалымат келип түшкөн. Дароо окуя болгон жерге ыкчам тергөө тобу чыгышып, териштирүү учурунда каза болгон жарандын аты-жөнү аныкталып, ал 1958-жылы туулган Т.С. экендиги такталып, жансыз денеге кароо жүргүзгөндө денесинен жаракат алганы аныкталган.

"Бул факты кылмыштардын жана жоруктардын бирдиктүү реестрине 130-берененин негизинде (Киши өлтүрүү) катталып, сотко чейинки өндүрүш иштери башталып, зарыл болгон экспертизалар дайындалган.
Милиция кызматкерлери тарабынан жүргүзүлгөн териштирүү учурунда каза болгон аялдын 32 жаштагы баласы Т.А. ата-энесинин үйүнө келип жансыз денени көрүп калганы маалым болгон. Милиция кызматкерлери тарабынан жүргүзүлгөн ыкчам тергөө иш-амалдарынын натыйжасында бул кылмышка шектелип, каза болгон аялдын күйөөсү 1957-жылы туулган Т.А. кармалып, убактылуу кармоочу жайга камакка алынган", - деп жазылат билдирүүдө.

Учурда сотко чейинки өндүрүш иштери улантылууда.

Автор: Азат Бейшенбеков