"Манас" эл аралык аэропорту 2021-жылдын 6 ай аралыгында 1,5 миллиондон ашык жүргүнчүнү тейледи

"Манас" Эл аралык аэропорту 2021 жылдын 6 ай аралыгында 1,5 миллиондон ашык жүргүнчүнү тейледи. Бул тууралуу аэропорттун басма сөз кызматынан билдиришти.

Маалыматка ылайык, алардын 509 миң 806 ички каттамдардын жүргүнчүлөр агымын түзсө, эл аралык каттам - 1 миллион 50 миң 561.

Ошондой эле бул аралыкта 13 миң 840 каттам ишке ашырылды. Алардын 9 миң 701 – эл аралык, 4 миң 139 – ички каттам.

«Манас» аэропорту 7 миң 353 каттамды тейледи. Алардын 2 миң 50 – ички, 5 миң 303 – эл аралык каттамдар. Жүргүнчүлөр агымы 824 миң 405 кишини түздү. Алардын 254 миң 973 – ички, 569 миң 432 – эл аралык.

«Ысык-Көл» аэропорту 284 каттамды тейледи. Алар: 16 – ички, 268 - эл аралык каттамдар. Жүргүнчүлөр агымы 25 миң 794 кишини түздү. Алардын 890 – ички, 24 миң 904 – эл аралык багытта.

Ош филиалы 6 миң 203 каттамды тейледи. Алардын 2 миң 73 – ички, 4 миң 130 – эл аралык каттамдар. Жүргүнчүлөр агымы 710 миң 168 кишини түздү. Алардын 253 миң 943 – ички, 456 миң 225 – эл аралык багытка туура келет.

Автор: Айсалкын Качкынбекова