“Коопсуз шаар” долбоорунун экинчи этабы башталды

“Коопсуз шаар” долбоорунун экинчи этабы башталды. Бул тууралуу ИИМдин басма сөз кызматынан билдиришти.

Маалыматка ылайык, ал республиканын бардык аймагын камтыйт:

Анда 7 облус, 2 республикалык маанидеги шаар, 15 облустук жана райондук маанидеги шаар, 73 калктуу конуш болмокчу.

"Долбоордун экинчи этабынын алкагында 306 пунктту (266 стационардык жана 40 көчмө) аппараттык-программалык комплекстер менен камтуу мерчемделүүдө. Долбоор Бишкек, Ош жана Токмок шаарларында башталган. 2019-жылы “Коопсуз шаардын” экинчи этабын ишке ашыруу боюнча тендерди "Shenzhen Sunwin Intelligent Co. Ltd” кытайлык ишкана жүргүзүүдө", - деп билдиришти басма сөз кызматынан.

Автор: Айсалкын Качкынбекова