"Бири айдоочуну муунтуп, экинчиси буюмдарын алган". Чүйдө таксистти карактап кеткенге шектүү жарандар кармалды

Чүй облусунун Аламүдүн районунда каракчылыкка шектелип 3 жаран кармалды. Бул тууралуу Чүй ОИИББинин маалымат кызматынан кабарлашты.

Маалым болгондой, Аламүдүн РИИБине 1963-жылы туулган К.А. аттуу жаран арыз менен кайрылган.

"Анда 27-июль күнү айдоочунун унаасына Бишкек шаарындагы "Ош базарынан" кардарлар отуруп, ГЭС-5 айылына жеткирип коюусун суранган. Болжол менен саат 21:00 чамасында көрсөтүлгөн дарекке жеткен учурда арткы орунда отурган балдардын бири айдоочуга кол көтөрүп, аны муунтуп, дагы бири автоунаанын ачкычын жана телефонун тартып алган. Айдоочу бейтааныш балдардын колунан качып, унаасындагы бычакка жетип, өзүн коргогонго аракет кылган. Ошол учурда балдар белгисиз тарапка из жашырып кетишкен.

Бул факты Кылмыштардын жана жоруктардын бирдиктүү реестрине 202-берене (каракчылык) боюнча катталып, сотко чейинки өндүрүш иштери башталган.

Ыкчам издөө иш-чараларынын жүрүшүндө жогорудагы кылмышка шектелип 1997-жылы туулган Б.Н., 1992-жылы туулган А.А. жана 2002-жылы туулган Ш.Ж. аттуу жарандар кармалды. Учурда сотко чейинки өндүрүш иштери улантылууда", - дешти мекемеден.

Кармалган жарандардын дагы башка кылмыштарга тиешеси бар же жок экендиги боюнча териштирүү иштери жүргүзүлүп жатканын кошумчалашты маалымат кызматынан.

Автор: Бактыгүл Момбекова
Фото: Чүй ОИИББинин маалымат кызматы

20:57 29-07-2021

Жазылуу

РУБРИКАДАГЫ СОҢКУ КАБАРЛАР

17:43 2025-05-25 | Коом жана турмуш

Чүйдө 8 жаштагы Алина Разбицкая дайынсыз болууда 59 0

17:17 2025-05-25 | Коом жана турмуш

Сел жүрүшү мүмкүн. ӨКМ чукул кабар билдирди 189 0

17:10 2025-05-25 | Түркүн дүйнө

Израил 24 сааттын ичинде Газага 100дөн ашуун сокку уруп, 60ка жакын жаран каза болду 177 0

16:29 2025-05-25 | Спорт

"Корктуңбу?" Милохин кыргыз блогери Арген мушташуудан качып жатканын билдирди (видео) 564 0

15:44 2025-05-25 | Маданият, шоу-бизнес

"Биздин үй-бүлөдө кош майрам". Ырчы Самат Муратбеков 35 жашка толду (видео) 342 0

15:06 2025-05-25 | Түркүн дүйнө

Кытайда көздү жумуп көрүүгө мүмкүндүк берүүчү линзалар иштелип чыкты 456 0

Архив

Комментарийлер (3)

Belek1710

2021-07-29 21:22:19

Акмактар десе!

Asmat84

2021-07-29 22:46:55

Бычып салыш керек мындай шүмшүктордү

al-abu-kinesz

2021-07-30 13:49:07

Карапайым элге атайын зыян келтирген ууру, каракчы, педофил, коррупционер, алдамчы, бандиттердин суроттору инициалы менен ачык элге жарыялансын. С.Жапаров.

деген мыйзамды талап кылабыз.

Комментарий калтыруу үчүн өз ысымыңыз менен кириңиз же каттоодон өтүңүз.