Ошто жеңил унаа Гүлчө суусуна түшүп кетип эки адам каза болду

Ош облусунда жол кырсыктын кесепетинен эки адам каза болду. Бул тууралуу бүгүн, 30-июлда Өзгөчө кырдаалдар министрлигинин маалымат кызматынан билдиришти.

Ага ылайык, Алай районунун Ош-Сары-Таш-Эркеч-Там унаа жолунда, тагыраагы Кызыл-Коргон айылында Тойота Ист унаасынын айдоочусу рулга ээ боло албай оодарылып, Гүлчө суусуна түшүп кеткен.

Жерине Алай райондук ӨКБдан 4 куткаруучу тартылып, кырсыктын кесепетинен 51 жаштагы эркек киши жана 50 жаштагы аял каза болгон. Куткаруучулар унааны жана каза болгон адамдарды суудан чыгарып, ИИМ кызматкерлерине өткөрүп беришкен.

Автор: Гүлзина Каныбекова
Фото: ӨКМнын басма сөз кызматы