Жалал-Абадда айдоочу унааны башкара албай бакты сүзүп, бир адам каза болду

Жалал-Абад облусунун Кара-Көл шаарында Бишкек-Ош унаа жолунун 369-чакырымында Mercedes Benz Sprinter унаасынын айдоочусу рулду башкара албай бакты сүздү. Бул тууралуу ӨКМнын маалымат кызматынан маалымдашты.

"Кырсыктын кесепетинен 1990-жылы туулган унаанын айдоочусу каза болуп, 2 аял киши жабыркады.

Жерине 5 куткаруучу тартылып, куткаруучулар жеткенге чейин жергиликтүү тургундар жабыркаган адамдарды чыгарып, Кара-Көл шаарынын ооруканасына жеткиришкен. Ал эми каза болгон жаранды куткаруучулар унаадан чыгарып "Тез жардам" кызматына өткөрүп беришкен", - дешти аталган мекемеден.

Автор: Ырыскелди Салбаров
Фото: ӨКМнын басма сөз кызматы