“Кыргызкөмүр” мамлекеттик ишканасына жаңы директор дайындалды. Бул тууралуу аталган ишкананын маалымат катчысы Жийде Зоотбекова билдирди.
Анын айтымында, кечээ, 5-августта директор болуп Марат Турдубаев дайындалган.
Белгилей кетсек, Турдубаев 2015-жылы Балыкчы шаарынын мэри болуп иштеген. Ал эми 4-август күнү "Кыргызкөмүр" ишканасынын директору Канатбек Аширбаев коррупция фактысына шектелип УКМК тарабынан кармалган.