"Саясатка аттандым. Эл колдоп берсе жетинчи президент болом". Чыпалак баатыр SUPER.KG аркылуу кыргыз элине кайрылуу жасады

"Чыпалак баатыр" каймана аты менен таанылган Зарылбек Аликенов SUPER.KG порталынан өз кайрылуусун жалпы элге жеткирип коюуну өтүндү. Анда ал кыргыз эли колдоп берсе келерки президенттик шайлоого катышарын жана өлкөнүн жетинчи президенти болуу ниети бар экенин билдирди.

Бул боюнча Зарылбек Аликенов өзүнүн социалдык тармактагы баракчасына да жазып калтырган.

"Оо достор! Эми чоң сырды силерге ача кетейин. Мен чоң саясатка аттанып жатам. Силер мени колдоп-коштоп берсеңер Кыргыз өлкөсүнүн жетинчи президенти болоюн деген чоң максат коюп, аракет кылып баштадым.

Буюрса, Садыр Жапаровдон кийин өзүм аттанып чыгайын деп аракет кылып, азыртан күчтүү команда топтоп жаткан учурум. Ошого силер мага түрдүү жактан жардам бере көргүлө. Түшүнүктүү, акылдуу, билимдүү, патриот адамдарды командамда күтөм.

Президент болгонго мага 2 гана жыл жетет. Эгер колдоп берсеңер, 2 жылдын ичинде Кыргыз өлкөсүн бутка тургузуп, гүлдөтүп кетем. Бүт шаарда ылдам жүрүүчү метролор курулат. Коррупцияны жоюп, тартип жагын күчөтөм. Азырынча калган чоң сырларды ачыктабай турайын", - деп жазып калтырды ал.

Ошондой эле Чыпалак баатыр мурдагы президенттик шайлоодон кийин Садыр Жапаровдун үйүндө конокто болгонун жана президентибиздин үй-бүлөсү абдан жакшы адамдар экенин кошумчалады.

Ал эми азыркы тапта Талас облусундагы жайлоолордун биринде "Гиннесстин рекорддор китебине" кирүү үчүн жаңы ыкмаларды өздөштүрүп жүргөнүн айтты. Мындан тышкары буга чейин ыкмаларын 2000-3000 сомдун тегерегинде арзан баада элге тартуулап келсе, мындан кийин 20-30 миң сомдун тегерегиндеги жогорку баада көрсөтөрүн баса белгиледи.

Эске салсак, Зарылбек Аликенов буга чейин дагы парламенттик шайлоого аттанарын бир канча ирет маалымдаган.

Автор: Жанбулат Жумабеков

13:35 06-08-2021

Жазылуу

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1984 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 191 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1093 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2706 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1102 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1094 0

Архив

Комментарийлер (19)

IOA

2021-08-06 13:53:31

Молодец колдойбуз

-5

Alinur96kg

2021-08-06 14:04:11

Анегдот окугандай эле болдум.Ошентсе да ийгилик каалайм.Ичинде кири жок адамдай сезилет.

+10

Gulina90

2021-08-06 14:22:12

Ооба баарыбыз эле креслого чуркай берели мамлекет онугуп кетсе ажап эмес.

Zhainash

2021-08-06 14:31:00

Саясатка ушул эле жетишпей жатты эле өзү

Nina.alex

2021-08-06 14:33:59

Сендей президенттен кудай сактасын элимди

Samash-87

2021-08-06 14:49:08

Бул жагы тема го тема

Kamchy-bek

2021-08-06 14:49:24

Эх, жириновский , качан келип жугузуп кеттиң эле

nurdan2018

2021-08-06 16:06:37

Мотуев 2 го

al-abu-kinesz

2021-08-06 17:14:00

Чыпага окшогондор жок болсо жашоо скучно отмок.
Сага кенеш: кой кайтарып чабан болгон президентке караганда оноюраак анан оо дуйнодо да сурагы женилирээк. Айдаган жагына басат, эч ким каршы чыкпайт, тушунуктуу, патриот болушат. Ойлонуп кор..

Mister-XXX

2021-08-06 17:41:44

Чипо,сен парламентке барышын керек эле.Ал жакта жалан эле сага окшогондор...

nargiz-sa

2021-08-06 20:16:53

Садыр болду го мен андан кем белем деп жатат го? Биздин саясаттын деңгээли

Paprikafm

2021-08-06 23:05:22

Айла жоктон кулдум ай....
Эх Чипо 2 жылда метро менен жалал абадка ошко кетип жатканымды аябай кыялданып алдым, рахмат жылмаю тартуулпганына

Mubarak

2021-08-07 09:25:09

Ушундай денгеелдуу,ушундай кебетелуу президентибиз болсо кыргыз деген улут жоголуп кетет)

-1

bond

2021-08-07 12:19:32

Саясатка тезирээк кел ал жакта баары сендейлер азыр сага окшогондорун заманы болуп жатат.

Pankration_MMA

2021-08-09 16:04:05

Давай Чипо вперед, сен президенттике татыктуу жигитсиң, болгону талант бар тааныш жок болуп жүрөсүңда))!!!

Комментарий калтыруу үчүн өз ысымыңыз менен кириңиз же каттоодон өтүңүз.