Жеңиш чокусунда Ирандын 2 жараны 4 күндөн бери дайынсыз болуп изделүүдө

Жеңиш чокусунун аймагында эки ирандык альпинист Мехри Жафари жана Реза Адине дайынсыз болуп изделүүдө. Издөө иштери 4 күндөн бери жүргүзүлүп жатканын Тышкы иштер министрлигинен кабарлашты.

Министрликтин маалыматына ылайык, адискөй куткаруучулардын тобу жана тик учактардын катышуусундагы издөө операциясы 6-августта башталган.

"Тилекке каршы, издөө иш-чаралары натыйжа берген жок, ошондой эле эки альпинисттин учуп кеткен жана жоголгон (6 миңден 7 миң метрге чейинки) жерлерин альтитудасынын чоңдугу оорлукту жаратууда. Жоголгон ирандык альпинисттерди издөө дагы да болсо уланат", - дешет мекемеден.

Автор: Бактыгүл Момбекова