Араванда каналга агып кеткен 30 жаштагы кишинин сөөгү Өзбекстандан табылды

Ош облусунун Араван районуна караштуу Ленин айылындагы Фергана каналына 30 жаштагы киши түшүп кетти. Бул тууралуу Өзгөчө кырдаалдар министрлигинин маалымат кызматынан билдиришти.

Маалыматка караганда, куткаруучулардын нөөмөт бөлүмүнө 1991-жылы туулган С.Д. аттуу киши каналга түшүп кеткендиги тууралуу маалымат келип түшкөн.

Жерине 19 куткаруучу, 2 милиция кызматкери жана жергиликтүү тургундардан 10 адам тартылды. Ал Өзбекстандын аймагына агып кеткен болушу мүмкүн делинип, Андижан облусунун Мархамат районунан 4 куткаруучу тартылган. Көп өтпөй Өзбекстандын куткаруучулары тарабынан анын сөөгү табылып, туугандарына өткөрүлүп берилген.

Автор: Гүлзина Каныбекова
Фото: Иллюстрациялык сүрөт