Орусиядагы мигранттардын массалык мушташы. Алар кайсы өлкөнүн жарандары болгону айтылды

Буга чейин, тагыраагы 6-августта Орусиянын Мытищи шаарында мигранттардын массалык мушташы орун алганы кабарланган. Анда мушташка 40ка чукул чет элдик жарандар катышканы, алардын басымдуу бөлүгү Борбор Азия өлкөлөрүнөн келгени айтылган.

Орусиялык басылмаларынын маалыматына таянсак, аталган мушташка катышкандардын 12си кармалган.

"Мытищи шаарында болгон мигранттардын массалык мушташына катышкандардын арасында 12 жаран кармалды. Мытищи шаарынын соту аларга 6 миң рубль өлчөмүндө айып пул салынып, депортация болот", - деп жазылган маалыматта.

Ал эми Тажикстандын басылмаларында мушташ Тажикстандын жана Чеченстандын жарандарынын ортосунда бизнес жаатында келишпестиктерден улам болгону айтылган.

Автор: Айжанар Рыспек кызы