Өзбекстан жана Тажикстан менен чектешет. "Талибан" кыймылы бир жумада Ооганстандын 9 шаарын басып алды

11-августка караган түнү "Талибан" кыймылы Ооганстандын дагы бир шаарын - өлкөнүн түндүк-чыгышындагы Бадахшан провинциясынын борбору Файзабадды басып алышты. Бул тууралуу орусиялык басылмалар жазышты.

Бул бир күндө төртүнчү шаар жана акыркы жумада тогузунчу шаарды басып алышты. Алардын баары Түркмөнстан, Өзбекстан жана Тажикстан менен чектешкен чек ара провинцияларында жайгашкан.

Буга чейин Ооганстандын бардык аймагынын 65 пайызы "Талибан" кыймылынын көзөмөлүнө өткөнү белгилүү болгон. Эми талибандар ар кайсы провинцияларда дагы 11 борборду ээлеп алууну көздөп жатышканы айтылууда.

Автор: Ырыскелди Салбаров