Жалал-Абадда жеңил унаа оодарылып кетип 1 киши каза болуп, экөө ооруканага түштү

Жалал-Абад облусунун Красная Горка-Ак-Таш унаа жолунда жол кырсыгы катталды. Бул тууралуу ӨКМнын басма сөз кызматынан билдиришти.

12-август күнү Чаткал районунун Ак-Таш айылынын Кызыл-Алма тилкесиндеги Красная-Горка-Ак-Таш унаа жолунун 8-9 чакырымында Фольксваген-Гольф-3 үлгүсүндөгү унаанын айдоочусу рулду башкара албай, жолдон чыгып оодарылып кеткен.

Кырсыктын кесепетинен 1976-жылы туулган бир жүргүнчүсү ошол жерде каза болгон. Айдоочусу жана эки жүргүнчүсү ар кандай жаракат алып Чаткал райондук ооруканасына жеткирилген.

Кырсык болгон жерге Чаткал райондук куткаруу кызматынан 4 куткаруучу тартылган.

Автор: Айсалкын Качкынбекова