"10 жашар кыздын өлүмүнөн кийин". Тик-Ток тиркемеси өспүрүмдөр үчүн бир катар чектөөлөрдү киргизет

Тик-Ток тиркемесинин жетекчилиги тиркеменин жаш жеткинчектерге тийгизген терс таасирлерин азайтып, коопсуздугун арттыруу максатында бир катар эрежелерди иштеп чыкканын жарыялады. Бул тууралуу чет элдик басылмалар жазып чыгышты.

Жаңы түзүлгөн эрежелерге ылайык, мындан ары 16 жашка чыга элек колдонуучулар жарыялаган видеолорун колдонуучулардын баарына көрсөтө алышпайт. Ага кызмат тарабынан "катталуучу" "достор" же "автор өзү гана" деген аудитория түрлөрү сунушталат. Бул нерсе менен компания өспүрүмдөрдүн контентин көрө турган колдонуучулардын санын чектөөнү көздөөдө.

Ошондой эле тиркемеге жайгаштырган видеосун башкалардын көчүрүп алуусуна колдонуучу өзү гана уруксат бере алат.

Муну менен катар биргелешип ролик тартууга мүмкүндүк берген кызматтар да эми жаш жеткинчектер үчүн жеткиликтүү болуп саналбайт.

Мындан тышкары, 13-15 жаштагы өспүрүмдөр саат 21:00дөн кийин, 16-17 жаштагылар 22:00дөн кийин Тик-Токтон келген билдирүүлөрдү кабыл ала алышпайт. Билдирүүлөрдү ачуу кайра эртең мененки 8:00дөн кийин гана жеткиликтүү болуп эсептелет.

Буга чейин жаш жеткинчектерге карата коопсуздук чаралары каралбаганы үчүн Тик-Ток социалдык тармагына көптөгөн айыптоолор тагылып келген. Компания бул нерсени жоюу максатында атайын коопсуздук кеңешин түзгөн.

Өзгөчө Италиядагы 10 жашар кыздын трагедиялуу өлүмүнөн кийин тиркеменин жетекчилиги коопсуздук эрежелерин иштеп чыгуу сунушун киргизген.

Эске салсак, Италияда 10 жашар кыз Тик-Токто "курду моюнуна салып, кимдин көпкө чейин чыдап тура аларын сынаган" челленджге катышып, тилекке каршы муунуп каза болуп калган. Италия бийлиги бул окуядан соң жашы жете электер үчүн тиркемени колдонууга тыюу салган.

Андан тышкары Индия, Өзбекстан жана Пакистан өлкөлөрү өз аймагында аталган тиркеменин ишине толугу менен чектөө койгон.

Автор: Жанбулат Жумабеков

15:54 14-08-2021

Жазылуу

РУБРИКАДАГЫ СОҢКУ КАБАРЛАР

15:36 2025-05-18 | Коом жана турмуш

Боом капчыгайы беш күн жарым-жартылай жабылып турат 15 0

15:15 2025-05-18 | Түркүн дүйнө

ХАМАСтын Газа тилкесиндеги лидеринин сөөгү туннелден табылды 230 0

14:56 2025-05-18 | Коом жана турмуш

КТМУда "Бейпилдик алып келген энелер күнү" аттуу иш-чара өттү 78 0

14:27 2025-05-18 | Коом жана турмуш

Кочкордо чаң сапырган катуу шамал болууда (видео) 340 0

14:15 2025-05-18 | Коом жана турмуш

Париждеги ЮНЕСКО уюмунун баш кеңсесинде кыргыз-казак айтышы болду 230 0

14:03 2025-05-18 | Түркүн дүйнө

Нью-Йорктогу Бруклин көпүрөсүн сүзүп алган кемедеги 2 адам курман болду (видео) 337 0

Архив

Комментарийлер (7)

bratanyn

2021-08-14 16:05:43

Бир жакшы нерсе көрүп жатсаң эле башка бир уятсыз нерселер чыгып ,семя менен көрүп болбой калды.Уятсыз роликтерге чектөө койуу керек.

+13

Rifle_I

2021-08-14 16:12:54

Биздин жаштарыбыз дагы оорукчан боло баштады окшойт ушул тиктоктон?

+10

KG-312

2021-08-14 16:17:37

Жашын чоңойтуп жазып кире беретда. Эң жакшысы Крда да тыю салыш керек бул пайдасыз нерсеге!

+21

Nursul

2021-08-14 16:32:31

Тик токо кача миллион деген адамдар кирет анан ошолорду жашын кантип ажыратып билишет, азыр өспүрүмдөр чоңдордон да башы кыйын иштейт жашын чоң кылып эле кире беришет. Тик токо кирбейм делего бирок кошуна өлкөлөр тик токту жаап атышат ко бизде деле жаап коюшса болмок негизги.

+11

PFC-CSKA

2021-08-14 16:55:28

Тик Токту вообще эле жап салыш керек!!! вообще жаман нерселердин баары ошол жерде мисалы менин уйумдо мен тик токко тыю салып койгом балам эмес даже келинчегим кирбейт.бирок балдар шустрый болот экен через Ю.т.у.б. кирип кетет ошону учун менден тил угат деги ушул нерсени мамлекет жапса жакшы болмок а тик ток тартып акча тапкандар эч нерсе болбойт олуп калышпайт.

+12

Gulina90

2021-08-14 17:48:50

Тиктокту жок кылыш керек.

nazira...

2021-08-14 19:28:10

Мен тик ток, инстаграм эмне экенин билбейм. Болгону регистрация болбой эле койгула кутуласынвр, өзүңөрдө иштин баары. А балдарды тыя албвйбыз, башкалардан деле көрүп алышат, ошондуктан мамлекетибиз чектеш керек.

Комментарий калтыруу үчүн өз ысымыңыз менен кириңиз же каттоодон өтүңүз.