"Жаңы медаль берилет". Японияда мэр Олимпиаданын чемпионунун алтын медалын тиштеп, жараксыз абалга келтирди

Япониянын бир шаарынын мэри Олимпиаданын алтын медалын тиштеп, жараксыз абалга келтирди. Бул тууралуу чет элдик басылмалар жазып чыгышты.

Маалыматка ылайык, Нагоя шаарынын мэри Олимпиаданын софтбол боюнча Миу Гото аттуу чемпионун расмий куттуктоо үчүн чакырган. Аны куттуктоо учурунда мэр бет кабын чечип, алтын медаль тагынып, аны тиштеп салган. Ошондой эле учурдан пайдаланып фотографтар сүрөткө тартып алышкан.

Аталган окуядан кийин шаар башчысынын мындай аракетине социалдык түйүндөрдө көптөгөн сын-пикирлер айтылган. Ал тургай Нагоя шаарынын мэриясына чиновниктин аракеттери боюнча жети миңден ашуун арыз түшкөн. Ошондой эле ал пандемия учурунда массалык иш-чаралардын эрежелерин бузган деп айыпталган.

"Тойота" компаниясы, Гото ойногон команданын ээси мэрдин аракетин "орунсуз" жана өтө өкүнүчтүү деп айткан. Ал эми мэр өз кезегинде бул кылыгы үчүн кечирим сураган.

Ал ошондой эле Япониянын Олимпиада комитетинин башчысы Ясухиро Ямашита менен сүйлөшүп, "көп жылдык талыкпаган эмгектин символун булгаганым үчүн" кечирим сурап, жаңы алтын медаль алуу үчүн өз чөнтөгүнөн төлөп берерин билдирген.

Белгилүү болгондой, эми Токио Олимпиадасын уткан япон аялдар софтбол командасы жаңы алтын медаль алат. "Эл аралык Олимпиада Комитетинин (ЭОК) колдоосу менен жана өзүнүн ниетине ылайык, Гото айымдын медалы эми жаңысына алмаштырылат", -деп билдиришкен Олимпиаданын уюштуруучулары, алмаштырууга кеткен чыгымдарды Эл аралык олимпиада комитети көтөрөрүн кошумчалаган.

Автор: Алина Айдарбекова

18:49 14-08-2021

Жазылуу

РУБРИКАДАГЫ СОҢКУ КАБАРЛАР

15:36 2025-05-18 | Коом жана турмуш

Боом капчыгайы беш күн жарым-жартылай жабылып турат 15 0

15:15 2025-05-18 | Түркүн дүйнө

ХАМАСтын Газа тилкесиндеги лидеринин сөөгү туннелден табылды 230 0

14:56 2025-05-18 | Коом жана турмуш

КТМУда "Бейпилдик алып келген энелер күнү" аттуу иш-чара өттү 78 0

14:27 2025-05-18 | Коом жана турмуш

Кочкордо чаң сапырган катуу шамал болууда (видео) 340 0

14:15 2025-05-18 | Коом жана турмуш

Париждеги ЮНЕСКО уюмунун баш кеңсесинде кыргыз-казак айтышы болду 230 0

14:03 2025-05-18 | Түркүн дүйнө

Нью-Йорктогу Бруклин көпүрөсүн сүзүп алган кемедеги 2 адам курман болду (видео) 337 0

Архив

Комментарийлер (1)

KG-312

2021-08-15 01:26:45

БүгүнБишкектеги Д.Өмүрзаков стадиондо мма боюнча чоң беттештер болуптур, Кыргыздар бүт жеңиптир атаандаштарын. Супер.инфо эмнеге чыгарбадыңар? Же адаттагыдай эле элден кийин чыгарасыңарбы?

Комментарий калтыруу үчүн өз ысымыңыз менен кириңиз же каттоодон өтүңүз.