"Чыгармаларым элге кеңири тараса дагы Эл артисти наамы берилбей келет". Обончу, ырчы Исирадин Аманбаев өлкө башчыга кайрылды

Кыргыз Республикасынын Эмгек сиңирген артисти Исирадин Аманбаев президент Садыр Жапаровго кайрылуу жасады. Бул кайрылууну ал Фейсбук баракчасына жарыялады. (ред. өзгөртүүсүз берилет)

"Урматтуу Садыр Нургожоевич!

Менин алгачкы “Кайдасың сен, Нестан-Дарежан”, “Ай жарык ай, ай жарык”, “Ай гитара, гитара”, “Мөл булак”, ”Жетиген” сыяктуу обондорум жарык көргөндөн баштап Кыргыз маданиятына, анын ичинде музыка искусствосуна обончу, композитор жана ырчы катары өз салымымды кошуп келе жатканыма 50 жылга жакын убакыт болду. Убагында, 1992-жылы Кыргызстан Ленин комсомолу сыйлыгынын лауреаты, 2000-жылы Кыргыз Республикасынын Эмгек сиңирген артисти наамдары ыйгарылган. Бирок андан бери жыйырма жылдан ашуун убакыт өтүп, канчалаган жаңы жазган музыкалык чыгармаларым элге кеңири тарап жатса дагы негедир “Эл артисти” наамы берилбей келет.

Ага бир эле мисал: өткөн 2020-жылы 31-август - өлкөнүн Эгемендик майрамына карата сыйлыкка көрсөтүлгөн документтердин арасында меники дагы каралып, мамлекеттик комиссиядан толук колдоо таап, буйрукка келгенде ошол кездеги президент Сооронбай Жээнбеков белгисиз себептерден улам “кийин беребиз” деп тизмеден алдыртып салганын ошол убакта ар кандай массалык маалымат каражаттары чагылдырып, өзгөчө социалдык тармактарда кызуу талкууну жараткан. Бул боюнча азыркы министрибиз Кайрат Иманалиев жана президенттик администрациянын бөлүм башчысы Кудайберген Базарбаев жакшы билерин айтып коюум керек.

Урматтуу Садыр Нургожоевич!

Алдыбызда келе жаткан өлкөбүздүн эгемендүүлүгүнүн 30 жылдыгына карата карала турган мамлекеттик сыйлыктардын арасындагы менин эчак эле өтүп, үч жылдан бери жөн эле кармап отурушкан документтеримди президенттик администрациясынын мамлекеттик сыйлыктар боюнча комиссиясы ар кандай болбогон шылтоолорду (жашы жете элек экен, директор болуп иштейт экен жана башка) айтышып, дагы артка алдырып жатышат деп угуп жатам...

Сыйлык эч кандай жашка, ишке жана жеке адамдык сапаттарга эмес, жазылган эмгектерге берилиши шарт деп эсептейм.

Албетте, сыйлыгы жок эле жашаса дагы, жазса дагы болот деңизчи. Бирок Кыргыз элинде ”Карыныма эмес, кадырыма ыйлайм” деген жакшы сөз бар. Анын сыңарындай, өзүмдү болбосо дагы жазган эмгектерим өз учурунда бааланып калса деген эле тилек... Сизди терең урматтом менен композитор, обончу, ырчы жана күүчү Исирадин Аманбаев", - деп жазылат билдирүүдө.

Автор: Айсалкын Качкынбекова

13:21 15-08-2021

Жазылуу

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1984 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 191 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1093 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2706 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1102 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1094 0

Архив

Комментарийлер (8)

Tatu_8889

2021-08-15 13:26:56

Мунун ырын аткарып жургон Самара алып койду го наамды,бул агайга дагы эле жок экен да.Самаштын жашы ото баштаптыр да жетмек турсун

+20

KaGaH

2021-08-15 13:49:55

Tatu_8889,эл артистин ала элек,эмгек сиңирген артисти алган

nazira...

2021-08-15 13:53:34

Соке кара кулжалык болуп туруп эмнеге кара кулжалыкка бербеди экен. Карындашы депутат Үрмат Аманбаева соттолбоду беле, же ошонун кесепеттеринен кармалып тураттыр. Кийинки чыгарган кайсы ырлары бар экен, бирок качанкы ырчы, карап көрүшөттүр эртеби кечпи эмгегиңизди жарата бериңиз, жерде калбайт.

-1

KG-312

2021-08-15 14:05:25

nazira..., Негизи өзү эмес, менеджери же кандайдыр бир жакын адамы кайрылса туура болмок. Өзү "мага наам бер" деп кайрылса окшошпойт экен, себеби мамлекетке милдет кылгандай болупчу, а муну мемлекет артист бол деп милдеттендирген эместа!

Asmat84

2021-08-15 15:19:07

nazira...,Соке өзүнүн жердештерине эч нерсе кылган эмес берген эмес. Себеби Соке президент болуп турганда берилген деген сөздөн корккон

-4

nargiz-sa

2021-08-15 15:01:34

Суранып сыйлык албай эле коюшса, жасаганың кудайга жаксын элди да ыраазы кыла албайсың эл ыраазы болгонду билбейт. Хотя инисинин убагында алып алсын

adilbars

2021-08-15 15:09:42

Татыктуу! Ырлары да жагымдуу, бирок, өзү гана ийине жеткире аткара алат, башкалар өзүндөй ырдай албайт, татаалдык кылат окшойт го.

Nursul

2021-08-15 19:38:10

Талантын баалайм жазган ырларын жактырам бирок наам суранганы бираз туура эмес болуп калыптыр. Наамды беришпесе да эл талантын баалайт беришсе сурантпай беришсин бербесе суранбай эле коюңуз анда азыркы чача мача ырчылардан айырманыз калбай калат.

Комментарий калтыруу үчүн өз ысымыңыз менен кириңиз же каттоодон өтүңүз.