"Аялдар көчөгө жалгыз чыга алышат". "Талибан" кыймылы аялдар жана журналисттер боюнча пикирин билдирди

Ооганстанды толугу менен көзөмөлүнө алган "Талибан" кыймылы өлкөдөгү аялдар жана журналисттер боюнча пикирин билдирди. Бул тууралуу чет элдик маалымат булактарында жарыяланды.

Маалыматка ылайык, жаңы бийлик аялдарга карата эч кандай чектөөлөрдү койбойт. Алар кадимкидей окуу жайларда билим ала алышат. Ар кандай жумуштарда иштеп, көчөгө жалгыз чыга алышат. Бирок ар бир аялдын хиджаб менен жүрүүсү милдеттүү болуп саналат.

Ал эми өлкөдөгү жалпыга маалымдоо каражаттары да эч кандай кысымга алынбайт. Журналисттер коомдогу окуяларды каалагандай сындай алышат.

Белгилей кетсек, буга чейин Бириккен улуттар уюму Ооганстандын талибдер басып алган аймактарында аялдар менен журналисттер массалык түрдө кысымга алынып жатканын кабарлаган.

Ошондой эле аталган уюмдун адам укуктары боюнча жогорку комиссары Мишел Баччелет айрым жерлерде согушкерлер койгон талаптарды бузган үчүн аялдар, укук коргоочулар, журналисттер жана өкмөттүк жоокерлер өлүм жазасына тартылып жатканын билдирген.

Айрым басылмалар Ооганстанды талибдер башкарып турган 1996-2001-жылдардагы абалды жазып чыгышты. Андагы маалыматка ылайык, Ооганстан өлкөсү согушкерлердин бийлиги астында турганда кыздардын мектепке баруусуна таптакыр тыюу салынган. Ошондой эле аялдардын иштөөсүнө, денесин толук жапкан кийим кийбестен же жолдошу жок көчөгө чыгуусуна толук түрдө чек коюлган. Аталган эрежелерди бузгандар ур-токмокко алынып же дароо өлүм жазасына тартылып турган.

Ал эми талибдер бул жолу адатка айланган жогорудагыдай жазалоо түрлөрүн соттун чечимисиз ишке ашырууга тыюу салынарын айтышууда.

Ошондой эле бардык оогандыктар катыша ала турган инклюзивдүү бийликти түзүүнү көздөп жатышканын белгилешүүдө.

Эске салсак, 15-августта согушчул "Талибан" кыймылы Ооганстандын бардык аймагына көзөмөл орнотконун жар салган.

Автор: Жанбулат Жумабеков

07:43 16-08-2021

Жазылуу

РУБРИКАДАГЫ СОҢКУ КАБАРЛАР

15:36 2025-05-18 | Коом жана турмуш

Боом капчыгайы беш күн жарым-жартылай жабылып турат 15 0

15:15 2025-05-18 | Түркүн дүйнө

ХАМАСтын Газа тилкесиндеги лидеринин сөөгү туннелден табылды 230 0

14:56 2025-05-18 | Коом жана турмуш

КТМУда "Бейпилдик алып келген энелер күнү" аттуу иш-чара өттү 78 0

14:27 2025-05-18 | Коом жана турмуш

Кочкордо чаң сапырган катуу шамал болууда (видео) 340 0

14:15 2025-05-18 | Коом жана турмуш

Париждеги ЮНЕСКО уюмунун баш кеңсесинде кыргыз-казак айтышы болду 230 0

14:03 2025-05-18 | Түркүн дүйнө

Нью-Йорктогу Бруклин көпүрөсүн сүзүп алган кемедеги 2 адам курман болду (видео) 337 0

Архив

Комментарийлер (2)

Baktyluu_bolgum_kelet

2021-08-16 21:53:45

Бейиштей жерде жашаганыма чексиз шүгүр

ayzhan12

2021-08-16 22:54:38

Эч качан шарият менен карым катнаш болбошу керек. Мунун аягы биринчи кызыкте аялдардын эркиндиги талкаланат. Билимсиздер, сабырсыздар оз каалагандай эрежелерин тануулай беришет.

-1

Комментарий калтыруу үчүн өз ысымыңыз менен кириңиз же каттоодон өтүңүз.