"Адамдар бир учактан экинчисине чуркап жүрүшөт". Варламов Кабулдагы абалды баяндады

Бир канча күндөн бери Ооганстанда сапарда жүргөн белгилүү орусиялык блогер Илья Варламов талибдер басып алгандан кийинки Кабулдагы абалды баяндап, Инстаграм баракчасы аркылуу сүрөт, видеолор менен бөлүштү.

"Кабулда миңдеген жарандар чет өлкөгө чыгып кетүү үмүтү менен аэропортко агылып келе башташты. Бирок коммерциялык каттамдардын бардыгы ишин токтоткон. Америкалыктар аскердик учактар менен өз жарандарын алып чыгып кетүүдө. Президент болсо кызматкерлери менен бирге качып кеткен. Ал эми Кабулда АКШга жардам бергендер, адам укугун коргоо менен алектенгендер, активисттер жана журналисттер сыяктуу миңдеген жарандар талибдердин коркунучунда калды.

Аэропорттогу кайтаруучулар, кызматкерлер, чек арачылар таң атары менен эле кетип калышканын жазышууда. Азыр болсо адамдар жөн гана аба майданында ары-бери басып жүрүшөт. Америкалыктар менен европалыктар баарын куткарып аларын көп жолу айтышкан. Британия менен Австралия дагы 20 миң адамды алып чыгарын билдиришкен. Алар дагы жетишпей калышты", - жазып калтырган Варламов.

Ошондой эле ал Кабул аэропортундагы бир жарандын телеканалдардын бирине айтып бергендерин бөлүшкөн.

"Аэропортто аткаминерлер жана саясатчылар үчүн учак билеттери жашыруун түрдө берилип жатат деген ушак тарагандан кийин жарандар арасында ызы-чуу башталды.

Бирок мен башкалар сыяктуу эле кезек күтүп турган бир канча депутаттарды, министрдин орун басарларын, ошондой эле белгилүү адамдарды көрдүм. Биз дээрлик 8 сааттай күттүк. Бирок бара-бара аэропорттун кызматкерлери кете башташты. Алгач каттоо жүргүзгөн орундарынан, андан соң паспортторду текшерүүдөн өткөрүүчү жайлардан.

Ар кандай ушактардан улам ызы-чуулар күчөй баштады.

Андан кийин жүргүнчүлөрдүн бир бөлүгү учак конуучу тарапка чуркап жөнөштү. Паспорт текшерүүчү жайларда эч ким жок болчу. Өткөрмө пункттарындагы тосмолор сынган. Эч кандай жүк текшерүү иштери болгон жок. Биз өткөрмө пунктарынан жөн гана өтүп кеттик. Адамдар акыркы учакты көздөй жүгүрө башташты.

Жарандар учууга аракет кылган бир каттам бар болчу.

Биз учуу-конуу тилкесинен анча алыс эмес жердеги учактардын канатынын астында "орун жетип калар" деген үмүт менен отурган көптөгөн адамдарды көрдүк. Адамдар нес болуп калышты. Бир учактан экинчисине чуркай башташты", - деп билдирген окуянын күбөсү.

Эске салсак, жекшембиде "Талибан" кыймылы Ооганстандын борбору Кабул шаарын басып кирип, өлкөгө толугу менен көзөмөл орнотконун жар салган. Ал эми өлкө башчысы Ашраф Гани президенттик кызматынан баш тартып, Тажикстанга качып кеткени маалым болгон. Учурда талибдер бийликти тынчтык жолу менен тез арада өткөрүп алууну күтүп жатышканы айтылууда.

Кабулдагы абал

Автор: Жанбулат Жумабеков

11:14 16-08-2021

Жазылуу

РУБРИКАДАГЫ СОҢКУ КАБАРЛАР

15:36 2025-05-18 | Коом жана турмуш

Боом капчыгайы беш күн жарым-жартылай жабылып турат 15 0

15:15 2025-05-18 | Түркүн дүйнө

ХАМАСтын Газа тилкесиндеги лидеринин сөөгү туннелден табылды 230 0

14:56 2025-05-18 | Коом жана турмуш

КТМУда "Бейпилдик алып келген энелер күнү" аттуу иш-чара өттү 78 0

14:27 2025-05-18 | Коом жана турмуш

Кочкордо чаң сапырган катуу шамал болууда (видео) 340 0

14:15 2025-05-18 | Коом жана турмуш

Париждеги ЮНЕСКО уюмунун баш кеңсесинде кыргыз-казак айтышы болду 230 0

14:03 2025-05-18 | Түркүн дүйнө

Нью-Йорктогу Бруклин көпүрөсүн сүзүп алган кемедеги 2 адам курман болду (видео) 337 0

Архив

Комментарийлер (11)

Federik

2021-08-16 11:29:50

Варламов сен озунду кантип алып чыгып кетер экенсин,ошону ойлодунбу? Ал жак сага Кыргызстан эмес свободна кирип чыгып жургудой.

Rifle_I

2021-08-16 12:27:26

Federik,
Талибдер азыр чет элдик жарандарга тийишпейт. Аларга азыр башка мамлекеттердир Афганистанды тануусу керек. Ошол үчүн чет элдик жарандарды регистрация болгула деди, же чыгып кеткиле деди.
Талибдердин негизги максаты батыштын таасиринен кутулуп, мамлекетти кайрадан калыптандыруу.

Antiradikal3

2021-08-16 13:06:43

Federik, талибдер орустарга тийише албайт. Талибдер Оруссияга барып, бейтарап болуп беришин суранышкан. Болбосо Оруссия Тажикистан, Озбекистан же Туркменистан жардам сурады деген шылтоо менен талибдерге согуш ачып, 70-80жж. болуп Афганистанга аскери менен басып кирип талибдерди ордуна коюп коет болчу.

Азыр талибдерге коншулары менен тынчтык керек. Баарынан мурун Россия менен. Ошого орус жарандарына, айрыкча журналисттер менен элчилерге тийишпейт алар.

-1

modem4999

2021-08-16 18:48:41

Federik,бул орус сага караганда акылдуу

-1

ayzhan12

2021-08-16 11:56:38

Шариятчыл талибтерден үмүтүн үзгөн эл. Эмне үчүн арабтар жардам бербейт буларга. Аравияга баргылары келишпейт. Арабтар качындарды кабыл алышпайт, көргүлөрү да келишпейт. Баары эле Европага барып жашагысы келишет. Анткени Европада дин, шарият деген түшүнүк жок. Эгер Европалыктар ашкере динчил болгондо бир да мусулманды киргизишмек эмес. Элибизге Светтик Билим гана бериш - светтик билим коомдун жана мамлекеттин өнүгүү муктаждыктарына жооп берет; коомго туруктуулукту берет.

-9

Sajakat14

2021-08-16 12:49:37

ayzhan12,чындык.

-7

Gulina90

2021-08-16 15:40:31

ayzhan12,кудайга тообо келтир,акылын барда этегиңди жап,эки сөздүн биринде динге асылбай,наркы дүйнөнү ойло,тозоко тутурук болуп жүрбө.Чачынды жайып,чачынды жасап.

Mister-XXX

2021-08-16 16:56:59

ayzhan12,Сен кудайдын бекерчиси болсон керек ээ.Же динди жамандап,НПОлордон акча алып турсан керек.Чачын жайып,жыланач жүргөндөрдү көргүң келсе Африкага барып көрчү.Билим өнүгүүгө алып барышын биз да билебиз."Мурдунун учунан узакты көрө албайт"-деген сөз сага окшогондорго тиешелүү.Чет жерге чыгып,көп окуп,көп билим алчы.

Antiradikal3

2021-08-16 13:08:47

Согуш бар жерде олум, ый, кайгы-мун......

ДУЙНОДО ТЫНЧТЫК БОЛСУНЧУ...........

KG-312

2021-08-16 16:40:27

Буларды эми кимдер учуруп, учуп барган жерден киргизеби өлкөлөрү?

zhaynak

2021-08-16 20:22:17

Вай Барламып Барламып. Ушу сен Титаниктеги кыякчыларды эске саласында. Кеме чогуп жатса, алар кыяк тартып турушат.

Комментарий калтыруу үчүн өз ысымыңыз менен кириңиз же каттоодон өтүңүз.