УКМК Ооганстандан 500гө чейин студентти кабыл алууга даяр экенин билдирди

УКМКнын төрагасы Камчыбек Ташиев Ооганстандагы саясий кырдаалга байланыштуу өлкөдөгү жогорку окуу жайларында окууну каалаган 500гө чейин студентти кабыл алууга даяр экенин билдирди. Бул тууралуу УКМКнын басма сөз кызматынан билдиришти.

"Акыркы жумаларда Ооганстанда болгон тез социалдык-саясий өзгөрүүлөр, коомдогу тынчтык жана стабилдүүлүк канчалык алсыз экенин көрсөттү. Кыргыз коомчулугу Ооганстандагы окуяларга абдан тынчсыздануу менен карап жатышат. Биз ооган элинин оор сыноолорду башынан өткөргөнүн түшүнөбүз, Ооганстандын ар кандай саясий күчтөрү, өлкө үчүн жоопкерчиликти алып, дароо сүйлөшүү столуна отуруп, өз элинин кызыкчылыгында жана маанилүү бир чечимге келишине чын дилибизден ишенебиз.

Кыргыз өлкөсүн өзгөчө тынчсыздандырган нерсе ооган жаштарынын тагдыры, айрыкча жаш кыздар. Алар кыргыз жаштары сыяктуу эле заманбап билим алууга, жаңы технологияларды өздөштүрүүгө жана өз мекенинин жыргалчылыгы үчүн иштөөгө талап кылынган кесиптерге ээ болууга умтулушат.

Биз өлкөнүн экономикасына байланыштуу миңдеген үй-бүлөлөр үйлөрүн таштап кетүүгө аргасыз болуп жаткан куралдуу саясий тирешүү шартында, сапаттуу билим алуу мүмкүн эмес экенин жакшы түшүнөбүз. Ушул себептен улам таланттуу ооган студенттерине Кыргыз өлкөсүнүн университеттеринде билим алуу үчүн студенттик виза берүү менен аларга ар тараптуу колдоо көрсөтүү милдетибиз деп эсептейбиз. Биздин университеттер региондогу эң эркин жана эл аралык университеттердин катарында.

Биз жогорку окуу жайларында окууну каалаган 500гө чейин студентти кабыл алууга даярбыз. Алар Кыргыз өлкөсүнө келүү, турак жай табуу, университет тандоо жана окуу акысын төлөө маселесин өз алдынча чечиши керек болот. Ошол эле учурда Билим берүү министрлиги жана билим берүү мекемелери оогандык студенттерге отурукташууга, ылайыктуу университетти жана окуу багытын тандоого жардам берүү үчүн консультациялык колдоо көрсөтүү үчүн зарыл чараларды көрүшөт", - деп жазылат билдирүүдө.

Автор: Айсалкын Качкынбекова

14:15 16-08-2021

Жазылуу

РУБРИКАДАГЫ СОҢКУ КАБАРЛАР

17:47 2025-06-09 | Коом жана турмуш

Ошто жаңыланган Жапалак унаа базары жакында ачылат (видео) 102 0

17:32 2025-06-09 | Коом жана турмуш

Бишкекте "Притон" рейдинде 160тай кыз аныкталды 239 0

17:30 2025-06-09 | Саясат

Президент шайлоо мыйзамына өзгөртүү киргизди 133 0

17:24 2025-06-09 | Кылмыштар, кырсыктар

Таласта төрт киши милиция кызматкерине пара берип жатканда кармалды (видео) 151 0

17:14 2025-06-09 | Түркүн дүйнө

АКШда качып кеткен зебра тик учак менен ээсине кайтарылды (видео) 265 0

17:01 2025-06-09 | Коом жана турмуш

Акыйкатчы "Эне үйү" борборунда жашап жаткан аялдардан кабар алды 154 0

Архив

Комментарийлер (9)

rysik79

2021-08-16 14:23:51

Акчаңды төлө, наныңды алып чай ичип кет

Samash-87

2021-08-16 14:42:43

Аларды коюп,Оогандагы озубуздун кыргыздарды кочуруп келип ошолордун балдарын окутушпайбы.

TIMON_BERKOWITZ

2021-08-16 14:56:22

УКМК береби визаны?
Доссекратарь)))

EddieNigma

2021-08-16 15:01:22

УКМК Ооганстандан 500гө чейин келечектеги жезделерибизди кабыл алууга даяр экенин билдирди

Antiradikal3

2021-08-16 15:22:08

УКМК от менен ойношуп жатат. Талибдер 500 баласын жонотсун анан, окуунун шылтоосу менен ьарып, окуп, ар тараптуу маалымат жонотуп турасынар Кыргызстан боюнча деп...

Beck_13

2021-08-16 17:01:56

Кичине ойлонушпайбы булар? Андан коро чек араны карашсын.

Milduri

2021-08-16 21:56:15

УКМК Ташиев ойлонбой эле иш кыла берет, мынакей сага деп 500 жанкечти талибанды студент кылып жиберсе эмне кыласыңар! Окуусуна барып келип жардыруу кылып. Эч бир студенти келбесин! Кыргызстанды 500 студенти эле өйдө ылдый кылып койот! от менен ойнобой жакшылап ойлонуп иш кылгыла.

Egizderim-baktim

2021-08-17 03:08:27

Тажиктерди да алып кирип алып, эми озубузго душман болуп атат эми ушулар кем эле бизге.

JaneEr

2021-08-17 10:42:58

Ээ нафиг кереги бар

Комментарий калтыруу үчүн өз ысымыңыз менен кириңиз же каттоодон өтүңүз.