Ооган учагы Өзбекстан менен чектешкен чек арага кулаганы айтылууда

Ооган аба күчтөрүнүн айырмалоочу белгиси бар учак Өзбекстан менен чектешкен жерге кулап түшкөнү айтылууда. Бул тууралуу "Gazeta.uz" гезити жазып чыкты.

"Ооган аба күчтөрүнүн белгилери бар учак 15-августтун кечинде Сурхандарыя облусунун Шерабад районунда кулаган. Интернетте кыйраган учактын бөлүктөрү, жабырлануучулар тартылган сүрөттөр жана видеолор тараган”, - деп жазат басылма.

Анда Өзбекстандын Коргоо министрлиги учак кырсыгы тууралуу маалыматты изилдеп жатканы айтылат.

15-августта "Талибан" кыймылынын согушкерлери Ооганстандын борбору Кабулга кирип, өлкөнүн аймагын көзөмөлгө алганын жарыялашкан.

Автор: Ырыскелди Салбаров