Нарында 39 жаштагы адам жарым айдан бери дайынсыз, аны дарыядан издеп башташты

Нарын облусунда 39 жаштагы киши дайынсыз болуп изделүүдө. Бул тууралуу Өзгөчө кырдаалдар министрлигинин басма сөз кызматынан билдиришти.

Ага ылайык, 30-июль күнү Учкун айылынын 1982-жылы туулган А.Э. аттуу тургуну үйүнөн чыгып кеткен бойдон дайынсыз болууда. Бүгүнкү күнгө чейин ИИМдин кызматкерлери менен туугандары биргеликте издешкен.

"Кечээ, 16-август күнү аталган жарандын туугандары ӨКМга кайрылып, Нарын дарыясынан издеп берүүнү суранышкан. Жерине издөө иштерин жүргүзүү үчүн 4 куткаруучу тартылып, кеч киргендигине байланыштуу издөө иштери убактылуу токтотулган. Натыйжа болгон эмес. Бүгүн, 17-август күнү издөө иштери уланууда", - деп билдиришти мекемеден.

Автор: Гүлзина Каныбекова
Фото: Өзгөчө кырдаалдар министрлигинин маалымат кызматы