Ооганстандан 9 Кыргыз жараны эвакуацияланды

Ооганстандан 9 Кыргыз жараны мекенге эвакуацияланды. Бул тууралуу Тышкы иштер министрлигинин басма сөз кызматынан билдиришти.

Маалыматка ылайык, Ооганстандагы туруксуз кырдаалга байланыштуу аталган өлкөдөгү элчиликтин жардамы менен 9 Кыргыз жараны өлкөгө эвакуацияланган.

"Калган бардык жарандар коопсуз жайда турат, азыркы учурда аларды Кабулдагы дипломатиялык миссиясынын имаратына жайгаштыруу боюнча тиешелүү иштер жүргүзүлүүдө", - деп айтылат маалыматта.

Белгилей кетсек, жекшембиде "Талибан" кыймылы Ооганстандын борбору Кабул шаарын басып кирип, өлкөгө толугу менен көзөмөл орнотконун жар салган.

Автор: Айзада Кыдырмышева