Уфа: Балбан Мухаммад Абдуллаев Дүйнө чемпиондугунда коло байгеге ээ болду

Кыргыз балбаны Мухаммад Абдуллаев Орусиянын Уфа шаарында өтүп жаткан жаштар арасындагы Дүйнө чемпиондугунда коло байгеге ээ болду.

Кыргыз балбаны мелдешке эркин күрөш боюнча 74 килограмм салмакта катышты. Ал алгачкы жүрүшүн 1/16 финалда баштап, анда украиналык балбанды 9:6, 1/8 финалда грузиялык балбанды 10:0 эсебинде жеңип, 1/4 финалда азербайжандык балбанга жеңилип калды.

Коло байгеге күрөшүү үчүн жубатуучу беттеште монголиялык Мункхдаваа Баярмункх аттуу балбанды 11:0 эсебинде жеңип, коло байге үчүн күрөштө коңшу казакстандык Махамбет Нуржаубаевди 4:1 эсебинде жеңип алды.

Бул медаль аталган Дүйнө чемпиондугунда Кыргыз курамасынын алгачкы медалы болду.

Автор: Азат Бейшенбеков