"19 күн болду". Колун жууйм деп Чычкан суусуна агып кеткен 61 жаштагы аялды издөө иштери уланууда

Чычкан суусуна агып кеткен 61 жаштагы аял 19 күндөн бери табыла элек. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, 1-август күнү Токтогул районунда 1960-жылы туулган аял Чычкан суусуна колун жууп жатып тайып жыгылып, сууга агып кеткендиги тууралуу маалымат келип түшкөн.

Издөө иштери 6-августка чейин жүргүзүлүп, натыйжа болгон эмес. Бүгүн, 19-августта жерине издөө иш-чараларын жүргүзүүгө саат 07:40та Өзгөчө кырдаалдар министрлигинен жалпы 20 куткаруучу тартылган.

Автор: Гүлзина Каныбекова
Фото: ӨКМнын басма сөз кызматы