Чүйдө кудук казып жаткан жумушчулардын бири каза болуп, экөө жабыркады

Чүй облусунун Чүй айылында кудук казып жаткан 1 адам каза болду. Дагы экөө жабыркаганын Өзгөчө кырдаалдар министрлигинин басма сөз кызматынан кабарлашат.

Билдирүүгө ылайык, Пош конушунда турак үйдүн жанында үч эркек киши кудук казып иштеп жатышкан.

"Казылып жаткан жердин тереңдиги болжол менен 15 метрге жеткенде жумушчулардын биринин деми кысылып иске ууланып каза болду, экөө жабыркады.

Жерине 3 куткаруучу тартылып, куткаруу шаймандары менен каза болгон жаранды кудуктан чыгарып беришти", - дешти мекемеден.

Автор: Бактыгүл Момбекова
Фото: ӨКМнын басма сөз кызматы