Ошто 120 балага ылайыкташкан бала бакча эгемендүүлүк күнүндө эшигин ачат

Ошто 120 орунга ылайыкташкан бала бакча ачылат. Имаратты эгемендүүлүк күнүндө пайдаланууга берүү пландалып жатканын Ош шаардык мэриясынан кабарлашты.

Маалым болгондой, Оштун вице-мэри Жасур Азимов социалдык жана инфраструктуралык объектилердин курулушун карап, "Туран" муниципалдык бала бакчасына барды.

"Бала бакчанын курулуш иштери 97 пайызга аткарылган. Чиновник бардык иш-чараларды натыйжалуу жана өз убагында бүтүрүү тапшырмасын берди.

Ошондой эле муниципалитеттин өкүлдөрү Алиев көчөсүнүн реконструкциясы менен таанышты. Жер астындагы коммуналдык кызматтарды өткөрүп берүү, жолдун тыгыздалышы боюнча иштер бүткөрүлдү. Планга ылайык, реконструкция иштери ушул жылдын аягында аяктайт", - дешти мекемеден.

Автор: Бактыгүл Момбекова
Фото: Ош шаардык мэриясы