"Жүк ташуу процесси жеңилдетилет". Улукбек Марипов менен Казакстандын премьер-министри сүйлөштү

Министрлер кабинетинин төрагасы Улукбек Марипов Евразиялык өкмөттөр аралык кеңешинин алкагында Казакстандын премьер-министри Аскар Мамин менен жолугушту. Тараптар саясий, экономикалык жана маданий-гуманитардык багыттар боюнча өз ара аракеттешүүнүн бир катар актуалдуу маселелерин талкуулады.

Министрлер кабинетинин маалымат кызматынан билдиришкендей, жарандардын жана транспорттук каражаттардын, анын ичинде транзиттик жүк ташуулардын эркин жүрүүсү үчүн чараларды кабыл алуу маанилүүлүгү белгиленди.

"Ушул жылдын январь-май айларында өз ара товар жүгүртүү 495 миллион 600 миң долларды түздү, бул өткөн жылдын ушул мезгилине салыштырмалуу 28,4 пайызга көп.

Кыргыз тарап өнөктөштөр менен тышкы экономикалык ишмердүүлүктү жакшыртуу жана жеңилдетүү боюнча ачык талкуу өткөрүүгө даяр экендигине ишендирип кетким келет. Биз үчүн өзгөчө пандемия маалында жүк ташуучуларга жагымдуу шарттарды түзүү иретинде мындан ары чек араларыбыздагы туруктуу абалдын сакталышы маанилүү", - деди Марипов.

Аскар Мамин өз кезегинде казак тарап дагы соода-экономикалык кызматташтыкты кеңейтүүгө жана эки тараптуу кызматташтыкты тереңдетүүгө кызыкдар экенине ишендирди.

Жолугушуунун жыйынтыгы боюнча жүк ташуу процессин жеңилдетүү бөлүгүнө өзгөртүү киргизүү жөнүндө протоколго кол коюлду. Ошондой эле ушул жылдын сентябрь айында күздүк себүү үчүн казак тараптан 1 миң тонна үрөн бөлүү тууралуу маселеси макулдашылды.

Автор: Бактыгүл Момбекова
Фото: Министрлер кабинети

17:52 20-08-2021

Жазылуу

РУБРИКАДАГЫ СОҢКУ КАБАРЛАР

15:52 2025-06-09 | Коом жана турмуш

Баткенде мыйзамсыз ижарага берилген жер мамлекетке кайтарылды 58 0

15:39 2025-06-09 | Кылмыштар, кырсыктар

Баткенде 38 жаштагы аял асынган абалда табылды 214 0

15:30 2025-06-09 | Коом жана турмуш

"Натыйжа кайда?.." Бишкектин мэри Жунушалиев Депо-3тү текшерди 159 0

15:27 2025-06-09 | Түркүн дүйнө

"Гарри Поттер" сериалынын жылдызы Том Фелтон Драко Малфойдун ролуна кайтып келет 111 0

15:15 2025-06-09 | Кылмыштар, кырсыктар

Бишкекте 19 жаштагы жоокер өз жанын кыйды 461 0

15:14 2025-06-09 | Түркүн дүйнө

Роналду "Аль-Насрда" калууну пландап жатканын билдирди 210 0

Архив

Комментарийлер (2)

Pankration_MMA

2021-08-20 18:01:20

Казактын милиция, бийлик, таможниктеринен эч качан жакшылык күтпөш керек, булар сөз берип, эч качан аткарган эмнс. Даже Кыргыз бийлигин тоотпойт деле!

-2

aibekkk

2021-08-20 19:48:04

Мин суйлошсо да бекер

-2

Комментарий калтыруу үчүн өз ысымыңыз менен кириңиз же каттоодон өтүңүз.