"Урмат-сыйыңды жоготтуң". Хабиб Нурмагомедов Ооганстандагы күйөрмандарынын нааразычылыгына кабылды

Белгилүү UFC мушкери Хабиб Нурмагомедов ооганстандык күйөрмандары тарабынан катуу сынга кабылды. Бул тууралуу чет элдик басылмалар жазып чыгышты.

Маалыматка ылайык, күйөрмандардын нааразылыгына 18-августтагы маалымат жыйынында орусиялык мушкердин Ооганстан тууралуу пикирин билдирүүдөн баш тартканы себеп болгон. Анда журналисттер мушкерден Ооганстандагы абал боюнча пикирин сураган. Бирок, Хабиб Нурмагомедов ал жактагы абалга эч кандай тиешеси жок экенин билдирген.

Көп өтпөй мушкер Инстаграм баракчасына орусиялык автожарыш спортчусу Никита Мазепин менен түшкөн сүрөтүн бөлүшкөн. Ал сүрөттүн астына бир катар оогандык күйөрмандары нааразы пикирлерин калтырышкан.

"Акча адамдарды аябай өзгөртөт, дал сени өзгөрткөндөй".

"Журналистке берген мындай жообуңдан соң урмат-сыйыңды жоготтуң".

"Ооганстандагы күйөрмандарыңды жоготуп алдың. Эми алар үчүн эч ким эмессиң".

"Сиз бүтүндөй бир өлкөнүн көңүлүн калтырдыңыз"

"Хабиб, ар бир ооганстандык сени колдошчу. Бул жакта ушунча көп күйөрманың бар туруп "ал жактагы абалга эч тиешем жок" деп айттың?"

Эске салсак, өткөн жекшембиде талибдер Ооганстандын борбору Кабулга басып кирип, бүтүндөй өлкөгө көзөмөл орнотконун жар салган. Андан бери аталган өлкөдө абал тынчыбай, карапайым эл арасында орун алып жаткан баш аламандыктар өлүм менен коштолгон учурлар катталууда.

Белгилей кетүүчү нерсе, "Талибан" кыймылы Кыргыз өлкөсүнүн аймагында террористтик жана экстремисттик уюм катары таанылган жана ишмердүүлүгүнө тыюу салынган.

Автор: Жанбулат Жумабеков

23:33 22-08-2021

Жазылуу

РУБРИКАДАГЫ СОҢКУ КАБАРЛАР

16:58 2025-05-06 | Коом жана турмуш

"Бир күн менен жашабайлы". Жол тескөөчүлөр бекеттерде түшүндүрүү иштерин жүргүзүүдө 19 0

16:39 2025-05-06 | Кылмыштар, кырсыктар

Чүйдө BMW менен Renault сүзүшүп, айдоочу каза болду 204 0

16:27 2025-05-06 | Коом жана турмуш

ИИМ милиция кызматкерлеринин кармалышы боюнча үн катты 334 0

16:11 2025-05-06 | Спорт

Валентина Шевченко франциялык атаандашы менен ачык асман алдында кездешти (видео) 396 0

15:47 2025-05-06 | Коом жана турмуш

Netflix "Кальмар оюну" сериалынын акыркы сезонунун тизерин жарыялады 247 0

15:20 2025-05-06 | Коом жана турмуш

7-майда Чүйдө электр жарыгы берилбей турган айылдардын тизмеси 329 0

Архив

Комментарийлер (4)

Pankration_MMA

2021-08-23 00:32:32

Волейбол боюнча азия чемпионатында Кыргызстан финалда жүрөт, ошол боюнча маалымат чыгарбай, каяктагы бизге тийешеси жок чет өлкөлүк спортчуларды чыгарып жүргөнүңөр өкүндүрөт чындыгында.

+32

emirchik

2021-08-23 03:34:55

Бул Хабибтин Кыргызстанга деле тейшеси жок эмнеле бул Гофаны коколотуп атат Кыргыздар тушунбойм

+20

TIMON_BERKOWITZ

2021-08-23 08:14:45

Жарга такаган суроо болуптур да. Поддерживаю десе Путин олтурот. Неподдерживаю десе талибтер олтурот.

+11

Mech.kg

2021-08-23 14:22:45

Авгандар куйормандыкты коюп Мамлекеттин тынчтыгын онугуусун ойлонсун.

Комментарий калтыруу үчүн өз ысымыңыз менен кириңиз же каттоодон өтүңүз.