Владимир Путин менен жолугушуу учурунда Ангела Меркелдин телефону шыңгырады (видео)

Орусиянын президенти Владимир Путин менен Германиянын канцлери Ангела Меркелдин Москвада өткөн жолугушуусу учурунда Меркелдин чөнтөгүндөгү телефону шыңгырады. Мындай видео социалдык тармактарга тарады.

Видеодо көрүнгөндөй, Владимир Путин экономикалык өнүгүү тууралуу айтып жатканда, Ангела Меркелдин телефону шыңгыраган. Бул учурда Меркель чөнтөгүнөн телефонун алып чыгып, үнүн өчүргөн.

Путин бул кырдаалды дароо байкап: "Биз дайыма телефон аркылуу байланышып турабыз", - деп сөзүн улап кеткен.

Владимир Путин менен Ангела Меркелдин жолугушуусу 3 саатка жакын созулган. Чет элдик басылмалар эки лидер Ооганстандагы кырдаал, Алексей Навальный, Донбасс жана башка темаларда пикир алмашкан.