Кыргыз өлкөсүнүн Япониядагы элчиси Токиодогу кыргыз балы сатылган дүкөнгө барды

20-августта Кыргыз өлкөсүнүн Япониядагы элчиси Мирлан Арстанбаев Токионун Асакуса районундагы «Сенсоу-дзи» храмынын атактуу Каминари-мон дарбазасынын артындагы эски соода көчөсүндө жайгашкан «Като Бихоен» компаниясынын дүкөнүнө барды. Бул тууралуу Тышкы иштер министрлиги кабарлады.

Жолугушуунун башында «Като Бихоен» компаниясынын директору Като Дзютаро ишкананын ишмердүүлүгү тууралуу маалымат берди.

Андан соӊ ал компания Кыргыз өлкөсүндө өндүрүлгөн балды сата баштаганын жана өз ара пайдалуу кызматташууну кеңейтүүгө кызыкдар экенин белгиледи.

Като Дзютаро белгилегендей кыргыз балы кымбат баада болгонуна карабастан, Япониянын жарандарынын арасында популярдуулукка ээ болуп жаткандыгына басым жасады.

Өз кезегинде элчи Арстанбаев Кыргыз өлкөсүндө бал экспорттоонун өсүү тенденциясын канааттануу менен белгиледи. Эки өлкөнүн ишкерлеринин активдүү иши менен 2020-жылдан бери экспорттун кескин өсүшү байкалууда. Улуттук статистика комитетинин маалыматы боюнча, 2021-жылдын биринчи жарымында (январь-июнь) Японияга бал экспорттоонун көлөмү 25,2 тоннаны түздү (2020-ж. 15,7 тонна, ал эми 2019-ж. – 13,4 тонна). Элчи компанияларга эки өлкөнүн ортосундагы соода байланыштарын өнүктүрүүгө көрсөткөн жардамы үчүн ыраазычылыгын билдирип, мындан ары да компанияларга жардам берүүгө даяр экенин айтып өттү.

Жолугушуунун аягында тараптар Кыргыз өлкөсүнүн органикалык продукциясын Японияга экспорттоону мындан ары илгерилетүү боюнча тыгыз байланышта болууга макулдашышты.

Маалымат үчүн: "Kato Bihoen" компаниясы 1947-жылы негизделген, кызматкерлеринин саны 226 адам, компаниянын 2020-жылдагы сатуу көрсөткүчтөрү 125 миллион АКШ долларын түзгөн.

Автор: Азат Бейшенбеков

15:40 24-08-2021

Жазылуу

РУБРИКАДАГЫ СОҢКУ КАБАРЛАР

15:52 2025-06-09 | Коом жана турмуш

Баткенде мыйзамсыз ижарага берилген жер мамлекетке кайтарылды 58 0

15:39 2025-06-09 | Кылмыштар, кырсыктар

Баткенде 38 жаштагы аял асынган абалда табылды 214 0

15:30 2025-06-09 | Коом жана турмуш

"Натыйжа кайда?.." Бишкектин мэри Жунушалиев Депо-3тү текшерди 159 0

15:27 2025-06-09 | Түркүн дүйнө

"Гарри Поттер" сериалынын жылдызы Том Фелтон Драко Малфойдун ролуна кайтып келет 111 0

15:15 2025-06-09 | Кылмыштар, кырсыктар

Бишкекте 19 жаштагы жоокер өз жанын кыйды 461 0

15:14 2025-06-09 | Түркүн дүйнө

Роналду "Аль-Насрда" калууну пландап жатканын билдирди 210 0

Архив

Комментарийлер (2)

Asmat84

2021-08-24 16:19:32

Ай ушул балды сатып алууда жакшы тааныштан эле албасаң деги эле тазасын таппайсың. Ал турсун Ош базарынан сары май алсак маргарин го

suban78

2021-08-24 19:54:12

Жапондоргт сатпаш керек биздин балды, эсинердеби бир киносунда инопланеталык баскынчылардын атын кыргыздар деп койгон. Алар бизди баскынчы корот окшойт, сатпагыла, балээни жешсин биздин балды жебей

Комментарий калтыруу үчүн өз ысымыңыз менен кириңиз же каттоодон өтүңүз.