БУУ: "Талибдер" карапайым жарандарды өлүм жазасына, ал эми жаш балдарды аскерге тартышууда"

БУУнун Адам укуктары боюнча жогорку комиссары Мишел Бачелет БУУнун Адам укуктары боюнча кеңешинин атайын сессиясында анын агенттигине талибдердин согушкерлери карапайым жарандарды өлүм жазасына жана жаш балдарды аскерге тартканы тууралуу ишенимдүү кабарлар келгенин айткан. Бул тууралуу чет элдик маалымат каражаттары жазып чыгышты.

Маалыматка ылайык, талибдер карапайым жарандарды сотсуз өлүм жазасына, ал эми жаш балдарды аскерге тартып, аялдардын укуктарын чектөөдө.

"Биз жарандардын жана Ооганстандын улуттук коопсуздук күчтөрүнүн мурдагы кызматкерлеринин сотсуз өлүм жазасына тартылышы, аялдардын укуктарынын чектелиши, анын ичинде эркин жүрүү жана кыздардын мектепке баруу укуктары жөнүндө сөз кылабыз. Балдар аскерлерге тартылып, нааразычылык акциялары басылып жатат", - деген Мишел Бачелет.

Мындан тышкары, ал аялдардын, этникалык жана диний азчылыктардын укуктарын урматтоого милдеттенишкенин айтып, бул убадаларын аткарууга чакырган.

Эске салсак, буга чейин талибдердин өкүлү Забихулла Муджахид маалымат жыйынын өткөрүп, алардын бийлиги астында Ооганстанда жашоо тартиби кандай болорун айткан. Ал шарият мыйзамы киргизилгенин жарыялап, аялдарга окууга жана иштөөгө уруксат берилет деп ишендирген. Ошондой эле Ооганстанды баңгизатсыз өлкөгө айландырууга убада берген.

Автор: Каныкей Амантаева

11:40 25-08-2021

Жазылуу

РУБРИКАДАГЫ СОҢКУ КАБАРЛАР

15:36 2025-05-18 | Коом жана турмуш

Боом капчыгайы беш күн жарым-жартылай жабылып турат 15 0

15:15 2025-05-18 | Түркүн дүйнө

ХАМАСтын Газа тилкесиндеги лидеринин сөөгү туннелден табылды 230 0

14:56 2025-05-18 | Коом жана турмуш

КТМУда "Бейпилдик алып келген энелер күнү" аттуу иш-чара өттү 78 0

14:27 2025-05-18 | Коом жана турмуш

Кочкордо чаң сапырган катуу шамал болууда (видео) 340 0

14:15 2025-05-18 | Коом жана турмуш

Париждеги ЮНЕСКО уюмунун баш кеңсесинде кыргыз-казак айтышы болду 230 0

14:03 2025-05-18 | Түркүн дүйнө

Нью-Йорктогу Бруклин көпүрөсүн сүзүп алган кемедеги 2 адам курман болду (видео) 337 0

Архив

Комментарийлер (4)

ayzhan12

2021-08-25 12:12:31

Талибтер келгени аялдардын жаркын жашоого болгон үмүтү өчтү. Бети баштары хиджабка оролуп, чүмкөнгөн аялдардын тагдыры оор бойдон калат. Анткени Аялдардын муктаждыктары бети-башты хиджабка тумчулоо менен чечилбейт. Оору, жакырчылык, жетишсиздик, билимсиздик, жокчулук аялдар арасында өмүр бою калат. Себеби укук, эркиндигинен ажыраган, билимсиз, караңгы аялдар ушундай эле тагдырлар менен жашайт.

ayzhan12

2021-08-25 12:19:53

Бир дагы аял диний негизде коомдук, маданий кысымдын, басымдын алдында калбашы керек. Буга жол берилбесин. Бул сыяктуу диний үгүттөрдгө да тыйуу салыныш керек. Болбосо азыр талибтердин аялдарга болгон мамилесин көрүп алып, биздеги кээ бир динчилдер шерденип, кубаттап жатышат. Бул жеткен айбандык. Бийлик диний уюмдарды катуу көзөмөлгө алып, элдин светтик дүйнө таанымын көтөрүү керек.

-4

CAPATAH

2021-08-25 16:02:09

Мына дуйно эли ишееген БУУнун созу. Ушундай эки жуздуулорду олтуруу керек биринчи

BarsBaatyr

2021-08-25 21:11:22

Ооганстанда дагы коррупция өтө гүлдөгөн дешет. Коррупциялашкан өлкөнүн тагдыры акыры барып ушундай болот. Биз дагы азыртадан ойлонбостон келечегибиз өтө кооптуу.

Комментарий калтыруу үчүн өз ысымыңыз менен кириңиз же каттоодон өтүңүз.