Жалал-Абадда катуу шамал болуп, турак үйдүн чатырын толук учуруп кетти

Жалал-Абад облусунун Ак-Дөбө айылында катуу шамал болуп, турак үйдүн чатырын учуруп кетти. Өзгөчө кырдаалдар министрлигинин маалыматына ылайык, шамал 25-августта болжол менен саат 18:10 чамасында катталды.

"Шамалдын кесепетинен Кербен шаарынын Ак-Дөбө айылында 1 турак үйдүн 96 чарчы метр чатыры учту. Жерине 1 офицер, Кербен шаарынын вице мэри, 1 инженер, Ак-Дөбө айылынын башчысы жана жергиликтүү тургундардан 12 адам тартылды.

Ал эми жергиликтүү тургундар тарабынан оңдоп-түзөө иштери жүргүзүлдү. 26-август күнү Аксы райондук жарандык коргонуу комиссия жерине барып кошумча тактоо иштерин жүргүзүшөт", - дешти мекемеден.

Автор: Бактыгүл Момбекова
Фото: ӨКМнын басма сөз кызматы