Кабулдагы АКШнын ракеталык соккусунан каза болгондордун саны 9га жетти. Алар бир үй-бүлөнүн мүчөлөрү болушкан

Жекшемби күнү түштөн кийин Кабулда жасалган АКШнын ракеталык соккусунан каза болгондордун саны 9 адамга жетти. Бул тууралуу чет элдик басылмалар жазышты.

Маалыматка ылайык, каза болгон 9 адамдын баары бир үй-бүлөнүн мүчөлөрү болушкан. Алардын ичинен алтоо жаш бала болгону айтылды.

Эске салсак, кечээ, 29-августта Кабул аэропортунан анча алыс эмес жерге абадан ракеталык сокку урулганы кабарланган. Аба чабуулунан эки унаа жана адамдар жашаган турак үйдүн бир бөлүгү толугу менен кыйраганы айтылган. Андан соң аталган ракеталык чабуул Америка аскерлери тарабынан ишке ашырылганы аныкталган.

Көп өтпөй АКШнын куралдуу күчтөрү Кабулда ракеталык чабуул жасаганын тастыктап, себебин түшүндүргөн.

"АКШ аскерлери бүгүн коргонуу максатында Кабулдагы унаалардын бирине учкучсуз ракеталык сокку жасап, Вилаят Хорасан (Ислам мамлекети террордук тобунун бир бөлүгү) тарабынан ишке ашуу алдында турган Хамид Карзай эл аралык аэропортуна болгон коркунучту жок кылды", - деп билдиришкен алар.

Ошондой эле "сокку багытталган унаада орун алган катуу жарылуу, анын ичинде олуттуу өлчөмдө жардыргыч заттар болгонун ырастап турат", - деп белгилешкен.

Эске салсак, 15-август күнү талибандар Ооганстандын борбору Кабул шаарын да басып алышып, өлкөгө толук көзөмөл орнотушканын жар салган. Экстремисттик уюмдун өлкөнү басып алышы массалык баш аламандыктарды жаратып, жарандар мекенин таштап кетүүгө мажбур болушкан.

Белгилей кетүүчү нерсе, "Талибан" кыймылы Кыргыз өлкөсүнүн аймагында террордук жана экстремисттик уюм катары таанылып, ишмердүүлүгүнө тыюу салынган.

Автор: Жанбулат Жумабеков

09:32 30-08-2021

Жазылуу

РУБРИКАДАГЫ СОҢКУ КАБАРЛАР

17:57 2025-05-18 | Түркүн дүйнө

Сомалиде жанкечтинин жардыруусунан кеминде 11 киши набыт болду 277 0

17:23 2025-05-18 | Түркүн дүйнө

Зеленский менен АКШнын вице-президенти жылуу учурашышты (видео) 622 0

16:35 2025-05-18 | Коом жана турмуш

Өлкөдө 1200дөн ашык аялга Эне даңкы медалы берилет 357 0

16:28 2025-05-18 | Коом жана турмуш

Өлкө боюнча 1413 аял Баатыр эне ордени менен сыйланат 320 0

16:07 2025-05-18 | Коом жана турмуш

Мурдагы өкмөт башчы Сапар Исаковго чыгарылган сот өкүмү жокко чыкканы айтылууда 1223 0

15:36 2025-05-18 | Коом жана турмуш

Боом капчыгайы беш күн жарым-жартылай жабылып турат 350 0

Архив

Комментарийлер (4)

Pankration_MMA

2021-08-30 11:23:36

Каапырлар, оюнчуктай кылып, каалагандай ойноп атасыңар байкуш өлкөнү. АЛЛАХтын алдында жооп берер күндө кантеер экенсиңер!

Federik

2021-08-30 12:00:58

Америкада жардыруу болуп эки эле адам олгондо,Америка бут дуйного жар салып согуш ачмак жооп иретинде.

-1

ayzhan12

2021-08-30 12:45:00

Аялдардын башына мажбурлап хиджаб чүмкөп, тумчулаган динчил талибтер - айбансыңар. Аялдардын башына хиджаб тумчулап, ороп салуу менен аялдардын жашоодогу көйгөйү, муктаждыктары чечилбейт. Муну динчил талибтер түшүнбөйт. Баардык көйгөйлөр билим аркылуу чечилет. Билим аялдардын жашоосу үчүн ыңгайлуу шарттарды түзүүгө мүмкүндүк берет.

Zarema11

2021-08-30 13:50:39

ayzhan12,бир чети жазганыңа кошулам, бирок чыныгы диндеги адамдар кумурскага да зыян келтирбегендер. Ал эми булар чыныгы караңгы зөөкүрлөр, өз мекенин талкалаганга жол ачып ,башкаларга жем салып берген сыяктуу. Алсыз аялдарга өкүмүн өткөзүп, коргоп эмес кордоп жүргөндөрдү диндар деп атоого мүмкүн эмес.

Комментарий калтыруу үчүн өз ысымыңыз менен кириңиз же каттоодон өтүңүз.