"Достук" - "Ала-Тоо" беттеши: 2-бөлүк баштала элек. "Ала-Тоо" командасы Кыяс Ниязовдун 2-салымын жокко чыгарууну талап кылышууда

Көк бөрү боюнча президенттин Кубогу мелдешинде Жогорку Лигада "Достук" жана "Ала-Тоо" командаларынын 3-4-орундар үчүн болгон беттеши уланууда.

Беттештин алгачкы бөлүгү 2:1 эсебинде "Достуктун" пайдасына жыйынтыкталган. Бирок эс алуу убактысы аяктаса да экинчи бөлүк башталбай, командалардын ортосунда талаш пикир орун алды.

"Ала-Тоо" командасы 1-бөлүктүн бүтөрүнө аз калган убакта ташталган Кыяс Ниязовдун экинчи улагын жокко чыгарууну талап кылышууда. Ал эми анын себеби азырынча белгисиз.

Учурда талаштуу маселени команда капитандары менен калыстар талкуулап жатышат.

Автор: Жанбулат Жумабеков