Балалык дегенде эле ууланганын эстеген Кыргыз Эл артисти Күмөндөр Абылов 63 жашка толду

Кыргыз Эл артисти Күмөндөр Абылов бүгүн, 30-августта туулган күнүн белгилөөдө. 63 жашка толгон артистти куттуктап байланышканыбызда каалоо-тилек айткандардын баарына жооп берүүгө үлгүрбөй жатканын белгиледи.

"Туулган күнүмдү үй-бүлөм, уул, кыздарым, неберелерим, бир туугандарым менен үйдөн өткөрөм. Куттуктоо жазып, жакшы тилектерин айткандардын баарына ыраазычылык билдирем. Ар бир куттуктоого жеке жооп берүүгө жетишпей жатам. Элибиз сыркоодон алыс болуп, жергебизде тынчтык, бакубат жашоо болсун. Силерге да рахмат, жакшылыктын жарчысы болуп жүрө бергиле", - деди ал.

Куудул Абылов Күмөндөр Мукулович 1958-жылы Нарын облусундагы Тянь-Шань районуна караштуу Учкун айылында төрөлгөн. Мектепти аяктаган соң Токмок шаарындагы маданият окуу жайынын үйлөмө аспаптар бөлүмүнө тапшырган.

1976-1978-жылдары Советтик Армиянын катарында кызмат өтөгөн. 1989-жылы Ташкенттеги А.Н.Островский атындагы театр-институтунда "Театр жана кино актёру" бөлүмүндө сырттан окуган. 1993-жылы 3-декабрда Кыргыз Республикасынын Эмгек сиңирген артисти деген ардактуу наамын ыйгарышкан. 2000-жылдан тартып Токтоболот Абдумомунов атындагы Кыргыз улуттук академиялык драма театрында актёр болуп эмгектене баштаган.

Маданият тармагындагы жемиштүү жетишкендиктери үчүн 1981-жылы "Жылдын мыкты актёру", 1984-жылы Нарын облустук мамлекеттик администрациясынын Ардак грамотасы, 1993-жылы Кыргыз Республикасынын Эмгек сиңирген артисти наамына ээ болгон. Андан кийин Эл артисти наамы менен сыйланган.

Күмөндөр Абылов балалыгы жөнүндө: "Балалык дегенде эле көбүнчө ууланганымды эстейм. Мен бала чагымда эле жети-сегиз жолу ууланыптырмын", - дегени бар. Маекти толугу менен окуу үчүн шилтеме.

Ал эми чыгармачылыгына саресеп салган артисттин маеги бул шилтемеде.

"Сакалды молдо болгонум үчүн же мода болгону үчүн койгон жокмун" деген куудулдун имиджи, жаңы эмгектери тууралуу кеңири таанышкыңыз келсе бул шилтемеге баш багыңыз.

30-августтун жылнаамасы.

Автор: Бактыгүл Момбекова

16:16 30-08-2021

Жазылуу

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1984 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 191 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1093 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2706 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1102 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1094 0

Архив

Комментарийлер (1)

ayzhan12

2021-08-30 17:07:48

Туулган күнүңүз кут болсун. Күмөдөр агабыз улуу куудул гана эмес, биздин бул жашоону түшүнүүгө юмор аркылуу жардам берди. Эл Күмөдөрдүн чыгармаларына кубанып эле тим болбостон, ага ыраазы болуп, анын айткандарынын баарын эсинде сактап калат.

Комментарий калтыруу үчүн өз ысымыңыз менен кириңиз же каттоодон өтүңүз.