"Аялдардын күйөөлөрүнө карата ишенимсиздигин ашкереледи дешкен". Москвада кыргыз мигранттар блогер мекендешин сабап салышты

Москвада кыргыз блогери аялдардын күйөөлөрүнө болгон ишенимсиздиктерин ачып берген видеолору үчүн аны шаар четине алып барып, эл алдында кечирим суроосун талап кылышып, бир нече күн сабашкан. Өзүн бошоткондон кийин жабырлануучу полицияга кайрылган. Эми аны уурдагандар адам уурдоо боюнча соттун өкүмүн күтүп жатышат. Бул тууралуу орусиялык басылмалар жазышты.

Маалыматта жазылгандай, августтун аягында Кыргыз өлкөсүнүн 20 жаштагы Аббос аттуу жараны уурдоо жана кыйноо тууралуу билдирүү менен борбордук полиция кызматына кайрылган. Мекендештеринин арасында аялдардын чыккынчылыгын ашкерелеген блогу менен таанылган жигит бир нече күн сабалганын айткан.

Кол салуунун себеби ал Америка Кошмо Штаттарында жашаган белгилүү бир Шамшимамаддын үй-бүлөсү жана аялы жөнүндө айтууну чечкени болгон. Бул үй-бүлөнүн башчысынын өтүнүчү боюнча, Москвада эки жылдан бери туруктуу жашаган Аббоско күч колдонулган.

Жабырлануучунун айтымында, таанышы аны жолугууга чакырган. Белгиленген жерге эки адам келип, аны унаага отургузуп ура башташкан. Андан кийин блогерди шаар сыртына алып барышып сабашкан.

Аббостун айтымында, ур-токмок учурунда видео чалуу аркылуу блогерди "кардарларынан" кечирим суроого аргасыз кылышкан.

Блогерди сабагандар полиция кызматы тарабынан кармалып, азыр аларга адам уурдоо боюнча айып тагылууда. Алар күнөөлөрүн моюнуна алышты, эми алар 5 жылдан 12 жылга чейин эркинен ажыратылышы мүмкүн. Бардык сурактар котормочунун катышуусу менен өттү, анткени сабоого катышкандар жана блогер орус тилин билбейт.

Автор: Айзада Кыдырмышева